مسرحية كن أمينا كل حين

مسرحية كن أمينا كل حين
تفتح الستار على منظر ( لمنزل صعيدى )
الشخصيات :
الاب: المقدس صالح
الابن : شنودة
ابن العم : فنجرى
بنت العم : عبير
دكتور الكليه الاكليريكيه
طلاب فى الجامعه
دكتور عيون
بوسطجى
عياااان ومريض يتحدث لغه اجنبيه

المشهد الاول:
تفتح الستار على منظر لبيت ريفى )

المقدس صالح : يابت يا عبير يا عبير يابت
عبير : تدخل وهى ( منحكشه شعرها ) وتردى ملابس غريبه الشكل
لا تجبلى فراخ بانيه يا بلاش يا وله
المقدس : بسم الصليب ايه دا يا بت
عبير : ايه يا عمى مالك شوفت عفريت
المقدس : يا ريت ... العفريت ممكن ينصرف لكن انتى فى وشى علطول
عبير : جرى ايه ياعمى هو انت كل ما تشوفنى تقولى الكلمتين دول
المقدس: نهايته يا بت عملتى اللى قلتلك عليه
عبير : ايوة ايوة عملتة, اكلت المعيز وزغطت الجاموسة وحلبت الفراخ
المقدس : حلبت الفراخ, يا فالحه وحلبتها ازاي انشاء الله
عبير : يا عمى انا قصدي حلبت الجاموسة وزغطت الفراخ اسكتى يا بت فين اخوكى فنجرى
عبير : انا هقولك يا عمى ( الواد فنجرى يا عمى ) بيلعب مع الجاموسه فى الذريبه
طب اجرى اذعجى عليه يابت انا عايزة
عبير : بصوت عالى ( يا فنجرى يا واد يا فنجرى فنجرى )
فنجرى: ( يدخل وهو يرتدى جلبيه ومهببه طين )
المقدس : ايه دة يا وله ايه اللى مهببك كدة
فنجرى : يا عمى انا جاى اشتكيلك ياعمى
المقدس : من عبير ياوله
فنجرى : لاء ياعمى من الجاموسه
المقدس : ليه يا وله عملتلك ايه
فنجرى : بتحمرق فى اللعب
المقدس : لعب ايه يا وله انت بتلعب مع ا لجاموسه ايه
فنجرى : كنت بلعب معها صلح
عبير : وصلحت يا خويا
فنجرى : لاء هيا كانت ترفصنى وانا اقولها انتى... تعملى كدة .( يشاور برأسه) قومت شوفتها وضربتها وقعت فى الساقيه واتحايل عليها تطلع تكمل لعب مترداش
المقدس : انت وقعت الجاموسه فى الساقيه يا وله
عبير : يا خرابى
فنجرى : اهى يا عمى مهى هتطلع لوحدها
المقدس : ربنا ما يحرمك منه
فنجرى : هو ايه يا عمى
المقدس : الهبل يا خويا خد ياله لما اقولك ... اختك جالها عريس النهاردة
وعايزك تقعد معايا انت وشنودة وكل لما اقول حاجه تزود فيها اة يعنى اقول عندها ارض تقول عندها ارضيين اقول عندها دهب تقول عندها دهبين كدة يعنى كل لما اقول حاجه تزود فيها فاهم
فنجرى : ايوة قاهم هو انا غبى .. بس مين الاعمى اللى هيبص لاختى دى محدش بيعبرها خالص فى الناحيه كلتها
المقدس : انا نفسي اخلص من الهم دة , اختك من ساعة ماكبرت ومافي حد قلها jood moring ولا حتي هاي كل الي يشوفها يجولها jood bye

ياله جهز نفسك واتقيف كدة علشان العريس لما يجى
الباب يخبط ( هم روح افتح يا واله ) با ين هو العريس
العريس : مساء الخير
المقدس : مساء النور ليك شوقه والهى ليك شوقه
العريس : انا يا عمدة بصراحة , جاى علشان اخطب الانسه عبير
المقدس : انت متاكد
العريس : طبعا انا جاى وعشمان فيك خير
المقدس : انت شوفتها يا ابنى
العريس : بصراحه لسه
المقدس : كويس بص باة احنا بنتنا عبير عندها كل حاجه كامله من مجميعه
عندها فدان ارض
فنجرى : عندها اريع فدادين يا عمى
المقدس : ايوة ايوة بنسى وعندها كمان تيشرت
فنجرى : ياعمى دا انا جايبلها خمس تيرتات ماركه صح
المقدس : ايوة ايوة اصلى بنسى بنسى
العريس : فين العروسه يا عمى
المقدس : العروسه عندها شويه برد وتعبانه
فنجرى : هيا عندها برد بس عندهلا برد وجدرى وذكام و انفلونزا خنزير وطيور وبلااوى متلتله
العريس : طب شكراااا ميرسى مع السلامه
يجرى من على المسرح
المقدس : طفشت العريس يا ابن المؤذيه
فنجرى : مش انت اللى قولتيلى زوذ فى كل حاجه اهى
روح يا د انجر ابعتلى شنودى ابنى دور عليه ابعتهولى ياله منك لله
فنجرى : شنودة ... مش هلاقيه انا عارف يا عمى ابنك داير طول النهار يعلم فى الناس ويحفظهم ويعلمهم القرايه والكتابه وسايب الارض والبهايم ياعمى
المقدس : تتك نيله فى كلامك .. امشى ياد اذعجلى عليه
المقدس : يكلم عبير ( انتى عارفه يا بت ياعبير )
عبير : لا واللهى معرف يا عمى
المقدس : تعرفى ايه يا بت انتى عارفه انا نفسى في ايه
عبير : اكيد نفسك فى صنيه بتنجان من اللى بعملهالك ياعمى ( من عنيا )
المقدس: بتنجان ايه يا بت انا نفسى الواد شنودة نتيجه تبان ويجيب مجموع حلو كده ويخش كليه كبيرة علشان اتبها بيه ويخرج من الارض دى والطين وينضف باة الواد رحته بقيت معفنه خالص
عبير : ايوة ياعمى عندك حق رحته ايه بيبى
المقدس : اخرسى يا بت انا بس اللى اقول
فنجرى : شنودة اهه يا عمى جاى ورايا والناس بتجرى ورا
المقدس : يسمع صوت من الخارج ( هيصه )
شنودة : اذيكم اذيك يا ابا
المقدس : ايه ياوله مش انت خلصت امتحانات بقالك ادا ايه
شنودة: ليه يا ابا يعنى
المقدس : النتيجه يا وله
فنجرى : اهي النتيجه اهى يا عمى طلباتك اوامر
المقدس : مش دى يا واله .. انا قصدى نتيجه الثانويه ظهرت ولالسه
شنودة : يا ابا ظهرت من قلتلك وجبت 99% ( فى الميه )
عبير : يا خبر ابيض عليك يا شنودة
شنودة : ايه يا بت
عبير : 99 اتبلو منك فى الميه ليه كنت ماشى على الكوبرى وووقعت انت والنتيجه فى الميه
فنجرى : ميه ايه يابت انتى مش فاهمه حاجه 99 دول نطو بمزاجهم فى الميه محدش ذقهم ولا حاجه
المقدس : امرى لله
شنودة : ميه ايه انتى وهو انتى هتجيبولى برد النتيحه بتتحسب كدة يا خونا انا جبت مجموع عالى قوى وممكن اخش بيه كليه الطب كمان
المقدس : ياريت يا ابنى منا عينى اشوفك دكتور اد الدنيا بس اول متروح الكليه زى مقلتلك تخش الكليه الاكلوريوكيه اة علشان انا عايزك كدة تبقى حاجه كبيرة وتبقى كاهن اد الدنيا
الباب يخبط ..................
عبير :مين مين اللى علىالبابا انا جايه اهه
عم مستعجل اذيك عامل ايه ياراجل جوزت عيالك ولالسه الواد حواب والبت بوسطه عامله ايه دا انت طبعك غريب دايما مستعجل
البوسطجى : اسكوتى شويه يا وليه هبلتينى انى مستعجل
عبير : عايز مين يا معم مستعجل
البوسطجى : عايز شنودة يا اختى
شنودة :انا اهو يا عم مستعجل فيه ايه
البوسطجى : هو انا بعرف اقرا خد انت وقولى
شنودة : ايه دى ينهار انا هبقى دكتور يا ابا هبقى دكتور يا ابا قبلت ياابا فى كليه الطب
عبير : تزرغت جااااااااامد
فنجرى : الله بن عمى هيبقى طور يولااد
المقدس : مبروك يا شنودة ... اسمع الكليه دي فين
شنودة : فى مصر يا ابا
المقدس : كويس تروح باة تقدم ورقك فى الاكليوريوكيه دى
شنودة : بس يا ابا
المقدس مفيش بس هتروح يعنى هتروح انا قلتلك اهه
ماشى يا ابا انا هاخد فنجرى معايا يساعدنى وويسلينى
انا هروح اقدم فى الاكليريكيه الاول ماشى على ما الدراسه تبتدى
من بكرةهسافر على مصر جايلك يا مصر
فنجرى : الل مصر دى فين ياعمى
المقدس : مش هرد عليك جوله يا شنودة
شنودة : مصر دى امى يا فنجرى امى
فنجرى : خلاص يا خويا هو انا اقدر اتكلم باة مصر طلعت مرات عمى يا عبير
شنودة :انا سايبكم وداخل احضر هدومى وانت ياله تعالى معايا ياله علشان انت هتيجى معايا مصر وانت يا عبير خلى بالك من ابويا واكليه كويس وبلاش البتنجان بتاعك ابويا صحيته مش مستحمله مع السلامه يا ابا

الفصل التانى :
منظر شارع من خارج الستارة ( يتحدثواااا )
شنودة : ولا يا فنجرى هيا دى الكليه الاكليريكيه يا وله انا هروح اسأل على واحد هنا هو اللى هينجحنا فىالامتحان الشفوى خليك ومترحش فى حته ماشى
فنجرى : اهى حاضر
يمشى شنودة
فنجرى : اهى منا كمان عايز ايقى حلو كدة واشتغل اسيس
واللهى انا اعرف حجات كتير ايوة دا انا كنت بروح مدارس الاحد وانا صغير انا هخش امتحن وهو يجى يلا قينى امتحنت امال ايه
يدخل يلاقى مدرس جالس على كرسى
فنجرى : اذيك ياعم انت
المدرس : عم انا عم .. انت مين يا ابنى وعايز ايه
فنجرى : يا خبر ابيض مش عارف انا مين ازاى الكلام دة
المدرس : معلش يا سيدى اصلى جديد هنا
فنجرى : انا فنجرى
المدرس : ربنا يذيدك .. اسمك ايه باة
فنجرى : اهى ... انا فنجرى
المدرس : يا سيدى عرفنا عرفنا .. وبعدين مهو بايين اهه ( لكن اسمك اسمك ايه
فنجرى : يا عم انت تعبتنى خالص ( احلفلك انى فنجرى والنعمه فنجرى ) يا ناس حد يقولو انى فنجرى
المدرس : يعنى ايه
فنجرى : يعنى انى اسمى فنجرى
المدرس : متقول كدة من الصبح
فنجرى : يا راجل دا انا كنت ههبوس رجلك علشان تفهم انى فنجرى
المدرس " وعايز ايه يا استاذ فنجرى
فنجرى : هكون عايز ايه يعنى .. مش دى الكليه الاكلوريكيه
المدرس : اة الاكليريكيه
فنجرى : كويس انا بقا عايز امتحن الشفوى علشان التحق بالكليه قلت اايه باة

المدرس : بس الامتحان صعب انت هتعرف تجاوب
فنجرى امال ايه دا انا لهلوبه
المدرس : طيب جاهز يعنى ابتدى
فنجرى : ابتدى من الحته اللى تعجبك انا جاهز
المدرس: الا صحيح انت جاى حسب الاعلان والمواصفات اللى عملنها
فنجرى : ايوة احنا جايين حسب الاعلام والمواصلات امال ايه
يدخل شنودة ويتفاجاء ايه دة انت بتعمل ايه يا فنجرى
فنجرى :انا بمتحن يا شنودة بمتحن اقعد امتحن معايا
شنودة : ممكن امتحن معاة
الاستاذ : ممكن يا سيدى
الاستاذ : السؤال الاول : لفنجرى : تقدر تحكيلنا حكايه يوسف الصديق يا فنجرى
فنجرى : ايوة طبعا اعرف امال بص يا سيدى
دى حكايه سهله جوى ... شوف يا يابيه ... يوسف ده كان راجل عنده11 أخ ...
وكان المسئول عن الرعى فى بيت أبوه ... وفى يوم أخذ الفروجات بتوع أبوه عشان يرعاهم ... وفضل يرعاهم فى البريه 40 سنه ... لحد ما الفروجات دول بجوا جمال ...
وفى مره طلع ليوسف واحد كان عايز يضربه ... فجاله يوسف دجيجه واحده ...
راح يوسف جاب النبله ... وحط فيها جالب طوب ... وراح ضارب الراجل فى نفوخه ...
راح الراجل وجع إتكهرب فى الأرض .
الأستاذ : ودا مين إن شاء اللـه ؟
فنجرى : جليات الجربان ... اهى
الاستاذ : بس بس كفايه منك لله ايه رئيك باة انا مش همتحنك وانت عايز تتمتحن تيجىبكرة لوحدك فاهم لوحدك
انت شغال ايه فنجرى
فنجرى : اهى شغال فى بنك
الاستاذ : يسلام انت شغال محاسب
فنجرى ديه بالذمه واللهى مش بالظبط كدة انى بقعد جنب المحاسب وهو بيعد الجرشنات هو يعد وانا ابلله صباعه
الاستاذ : ونعم الشغلاانات متجيش تانى هنا فاهم انت تروح تبل صباع اللى بيعد فلوس فى بلدكم زمانه اتخرب بيته ومش عارف يعد عن اذنكم
شنودة : تعالى تعالى يا وش المصايب منك لله هتيعينى انا عارف جبتك ليه
فنجرى : انا عارف انا جاى اساسا اشتغل فى المنطقه الصناعيه ومش راضىاجولك
شنودة : تشتغل ايه باة يا خويا
فنجرى : قمع
شنودة : ايه
فنجرى : قمع هقف كدة زى الوحش فى وسط الطريق
شنودة : ليه باة انشاء الله
فنجرى : لحمايه الحفر من السواقين الاشرار
شنودة : حفر دا انا هحفرلك دماغك ويجرى ورا
وتقفل الستار
تفتح الستار على منظر منزل
فنجرى : يا جبلى فراخ با نيه لا بلاش يا وله روح رجع الرجلين يا بلاش ياوله
يمسك فى يدة مقشه وكنس الشقه
يدخل شنودة : زهقان ويرمى الكتب على الارض
فنجرى : ايه مالك يا بن عمى مالك
شنودة : خلاص يا فنجرى خلاص مش قادر استحمل ابويا ضيع مستقبلى
فنجرى : ليه يا وله بتقول كدة
شنودة : منتش شايفنى بقالى ثلاث سنين فى كليه الطب مش عارف اخد سنه اوله واللى ذاد الطين بله حكايه الاكليريكيه دى انا لا فلحت هنا ولا فلحت هنا اعمل ايه يا فنجرى قولى
فنجرى : اوعى تقول لابوك حاجه انت لو قلتله ممكن يطب ساكت انت اهم حاجه تبعتله جوابات علشان يطمن عليك وبعدين عرفه انك بتنجح اة وربنا بعد كدة يسهلها
شنودة : عايزينى اكدب يا فنجرى مش ممكن
فنجرى : دة مش كدب الكدب اللى ميأذيش حد ما يبقاش كدب
شنودة : فكرك كدة خلاص انا هعمل كدة سا محنى يارب .. هم ات جواب لما كتبه لابويا
فنجرى : هتقول لابوك ايه
شنودة : هقوله انا بقيت دكتور يابابا ووفتحت عيادة كبيرة فة البيت بتاعى
فنجرى : حلو قوى وايه رئيك ناجر الاوضه دى للدكتورة بتاعه العيون اللى جنبينا كانت عايزة تفتح الشقيتين على بعض منها نستفيد من الاجار ومنها تشتغل عندها تمرجى
شنودة : تمرجى حرام عليك من دكتور لتمرجى ليه كدة
فنجرى : هتعمل ايه يعنى امال نشحت معدش عندنا فلوس والفلوس اللى ابوك بيبعتهالنا بتاخدها وتفرقها على دكاترة الجامعه علشان ينجحوك وبردة بتسقط
شنودة : اتلم باة وخلينا نفكر كويس .. روح عند الدكتورة واتفق معاها وجيب العفش هنا ياله
فنجرى : طيب ... انا عارف ايه اللى جبنى معاك ... وبعدين الوليه الدكتورة دى شرانيه قوى ومش بعرف اتكلم معاها دى كل ماتشوفنى تغمض عنيها
شنودة : معلش روح باة وسيبنى فى حالى
يخرج فنجرى من الغرفه
شنودة : يكلم نفسه اعمل ايه ايه ..
فنجرى : يدخل ( انا خلاص اتفقت معاها وهيا جايه ورايا )
شنودة : كويس قوى كدة فاضل اننا نجيب موبايل علشان نكمل الحكايه
فنجرى : هتجيب موبايل بجد وهتركبنى معاك ولا لاء
شنودة : اركبك فين يا بنى ادم ( موبايل يعنى تليفون)
فنجرى : ايوة ايوة تعالى باة مش هتاكل انت مكلتش من امبارح تعالى يا راجل متشلش هم الدنيا على نفوخك تعالى ديه مش بدودة انما ايه عنب
تعرف ابويا زمان حب اننا نكون ايد واحدة جابنا ولم اخواتى وقلى فى يوم اكسر العود الحطب د ة كسرته ادانى عود كمان كسرته اداينى عشر عدان كسرتهم ادانى خمسين عود وقالى اكسرة كسرتهم ام قال لاخواتنى ادام معاكم البغل دة متخافوش ..... وانا معاك اهه اوعى تخاف كل باة
تدخل الدكتورة : ايه اذيك يا شنودة خلاص وافقت انى اخد الشقه واعملها عيادة
شنودة : ايوة بس انا هخاد الاوضه دى علشان انام فيها انا وفنجرى ابن عمى اه
الدكتورة : خلاص موافقه
وانت من بكرة تلبس اللبس دة وتشتغل معايا اوكى ولا اولك من دلوقتى

ياله خد البس البالطو دة واستقبل العيانيين وابعتهملى
يدخل عيان : ايه دة هو مش دى عيادة الشفا السريع للدكتور عصمت ابو سريع
فنجرى : اقعد الف سلامه عليك مالك يا راجل منتا كنت كويس
العيان : مش عارف انا تعبان
فنجرى : افتح بوقك كدة
العيان : يفتح فمه
فنجرى : قول اععععععععع
العيان اععععععععع
فنجرى : انتا معندش حاجه روح ادفى ونام هتبقى كويس
العيان : ايه انت مش هتكشف عليا يا دكتور
فنجرى : اة هكشف افتح بقوك
العيان : اه اه اه اه اه اه اه اه اه اه
فنجرى : ايه يارجل انت هو انا لمست سنانك لسه
العيان : لاء بس انتا دايس على رجلى
فنجرى : اة لمو اخذة
العيان :هو انت الدكتور ....
فنجرى : يعنى الدكتور هيفهم احسن منى دا انا مدرب عند اكبر حلاق فيكى يابلد
العيان : حلاق ... انا خفيت ياعم خفيت سلام مع السلامه .... حلاق
فنجرى : شوفت يا شنودة الراجل من فرحته فط زى القرد اهه
شنودة : حراام عليك يا فنجرى هو انا ناقصك متقولى هنعمل ايه فى النصيبه دى
فنجرى : نصيبه ايه بس
شنودة : انا كدبت علىابويا اقوله ايه لما يقولى عملت ايه فى الاكليريكيه دى ولا لما يسالنى عملت ايه فى الطب احنا هنا بقالنا اربع سنين مهوبناش ناحيه البلد علشان ميعرفش افرض هو باة طب علينا
فنجرى : منتا هتعمل ايه يعنى اجولك على فكرة كويسه احما نخم الدكتورة دى والعيان اللى يجى نكشف عليه احنا ومندخلوش جوة ونعمل نفسينا داكتارةاهه انت الدكتور وانا الممرض بتاعك
شنودة : انت اكيد اتجننت انت عارف انت بتقول ايه دى جريمه يعاقب عليها القانون
فنجرى : ايوة جريمه يعاقب عليها المجنون يعنى مش احنا
شنودة : يا فنجرى حراام عليك مش كفايه كدبت على ابويا عايزنى اكدب على الناس كمان
فنجرى : انت مش كنت فى الكليه وعارف فى الطب يبقى خلاص اسمع اللى هقولك عليه وبس هما شويه ادويه على شويه مراهم وخلاص
شنودة : فكرك كدة يعنى
فنجرى : ايوة طبعا احنا نجيب الكرسى دة كدة ... والعيان يقعد كدة .. وانت تكشف كدة
شنودة : كدة كدة .. انت شايف كدة
فنجرى : ومفيش غير كدة تجيبها كدة تجبها كدة هيا كدة
شنودة : انا موافق بس والاكليركيه هنعمل فيها ايه هيا كمان هلبس اسيس واقوله انا خدها ياابا
فنجرى : لاء كدة حرام وعيب انت قوله انك خدها بس لسه النتيجه مظهرتش
تدخل الدكتورة فيه ايه انتو بتتكلموا فى ايه وبعدين انت .. ايوةانت انت ... هتقعد هنا معانا ولاايه
فنجرى : ايوة وفيها ايه يعنى
الدكتورة : لاء فيها منتا لازم تشتغل انت هتبقى مسؤل النضافه عندنا هنا فى العيادة
فنجرى : الا لو فيها رزاله يعنى حضرتك دكتورة ايه
الدكتورة : انا دكتورة بيطريه ..
فنجرى : ايوة يعنى دكتورة ايه
الدكتورة : ايه دا انت مش بتسمع بقولك دكتورة بيطريه
فنجرى : ايوة ايوة .. قصدها يعنى دكتورة بيطنيه يعنى دكتورة الحته دى اللى فيها البطن
الدكتورة : لالالا انا مش هستحمل اكتر من كدة انت مستحمله ازاى دة مش ممكن
فنجرى : اهى فيه ايه يا ناس محدش طايقيلى كلمه ليه
شنودة : حرام عليك يا فنجرى من كتر غبائك طلعلك ديل بتقولك دكتورة بيطريه يعنى دكتورة بهايم يا فنجرى .. بهايم .. بهايم
فنجرى : ينهار ... وانا اللى فاكرك دكتورة بتاعه بنى ادمين وكنت بسرق الدوا من عندك واخدة اترينى كل ماشوف عضمه اجرى وراها .. انا اتحولت يا شنودة بقيت بربع رجلين
الدكتورة : خلاص خلاص اول ما العيان يجى تخدة تحميه وتنشفه ودخلهولى فاهم
فنجرى : انشفه ..... على اخر الزمن منا كنت بلعب مع الجموسه فى بلدنا فرقت ايه باة عن هنا ومالوااا
شنودة : بطل كلام باة شويه حاضر يا دكتورة احنا نعمل اللى تقولى عليه وانا جاى معاكى علشان نظبط غرفه الكشف خلى بالك انت يا فنجرى
جرس الباب
فنجرى مين مين اللى على الباب
مين البت عبير اذيك ياعبير يا اختى عامله ايه
عبير : اذيك يا فنجرى واحشنى يا فنجرى اهىء اهىء اهىء اهىء
فنجرى : بتعيطى ليه يا بت
عبير : منت وحشتنى يا فنجرى اربع سنين مشفكش يا فنجرى
فنجرى : اكل العيش مر قوى يا عبير يا اختى ايه دة انتى جايه لوحدك ولا ايه
عبير : لاء جايه مع عمى بس راح عند شنودة فى الكليه علان كان نفسه يشوفه جوى وقالى انه اكيد هيبقى فى الكليه بتاعته طلعنى واراح هو
فنجرى : يا خرابى راحله الكليه وسبتيه يروحله يابت ينهار
عبير : ليه يا وله فيها ايه لما يروحله اوعى تكون خايف انه شنودة يستعر من ابوة
فنجرى : يستعر ولا منا عارف مين هيستعر من مين ؟ وانت عامله ايه يا عبير وازاى البلد احبارها ايه
عبير : : يوه يوه يوه ... دى البلد حالها إتغير جوى جوى ... عم سعيد ... ماأنت عارفه ... دودة القز دخلت محصوله قزقزتهوله كله ... وأبو الولاد أبن عم عويس ...
آجرله تلات عيال إنما أيه ... نزلوا ع البلهارسيا اللى فى الترعه كلوها كلا تها .
فنجرى : طب وعملوا أيه فى الدوده اللى عند عم سعيد ؟
عبير: تعرف أجرلها مين ؟... عـيلة أبوعمران ... ماأنت خابرها عـيله مفتريه ...
نزلوا ع الدوده اللى فى الغيط كلوها حيه ... والناس حدانا فى البلد ...
بدل ما كانت بتقولهم عـيلة أبوعمران ... بقت بتقولهم عـيله أبو جردان .. وأسكت أسكت...
على اللى عمله عمك محروس ... سهالك ولده ... وخلاه ماشى فى الغيط ... وراح طخه عيارين ... الواد وجع إطفرط فى الغيط .
فنجرى : وطب وليه ده كله ؟
عبير : قال أيه ... عشان البرتكان يطلع بدمه .
فنجرى : طب وطلع بدمه ؟ ... ها طمنى ؟
عبير: أيوه ... أيوه طلع بدمه ... وأسكت يا يا فنجرى يا اخويا ... مش السلعوه دخلت عندنا فى البلد ... والناس كلتها ... إفتكروها عنزه ... وكانوا عايزين يحلبوها ... جولتلهم لأ ... دى مش عنزه ... دى سلعوه ... دى حاجه ودى حاجه ....
فنجرى : يسلام كل دة حصل وانا مش موجود اه يا بلد
يابت انتى خدينى فى الكلام ونسيت عمى والنصيبب اللى تحصل دلوقتى
عبير : نصيبه ايه ... متقولى
فنجرى : عمى هيروح يسال عن شنودة فى الكليه وشنودة اساسا اترفد من الكليه من زمان وشغال هنا تمرجى عند الكدتورة بتاعه البهايم دى
عبير : يناهار دة لو عمى عرف هيطب ساكت
تعالى لما نقول لشنودة بس نجيبهاله واحدة واحدة
يا شنودة يا شنودة بشويش يا بت هتسريعيه ...... يا شنودة يا شنودة
شنودة : فيه ايه ..... مين عبير ايه اللى جابك قصدى جيتى ليه يوةةة قصدى جيتى مع مين يا بت
عبير : جيت مع عمى ابوك يا وله
شنودة : اهى امال فين ابويا مش شامم رحيته يعنى
فنجرى : مش هيا دى المشكله ابوك رحيته جايه جايه لكن الخوف لما يجى من الحته اللى كان فيها
شنودة : هو راح فين يا وله وقعت قلبى
عبير : راحلك الكليه علشان انت وحشته جوى جوى وقاغلى اطلعى وانا هجيبه واجاى
شنودة : وسعوا كدة شويه ( ويقع على وجه )
فنجرى : فوق فوق شنودة قاتلى فحل برسيم من جوة يابت عبير
عبير : اهه خد يا فنجرى
فنجرى : ( ياا كله البرسيم ) فوق فوق يضربه بالالم
شنودة : سيبونى محدش يفوقنى انا عايز الارض تنشق وتبلعنى اقول لابويا ايه
عبير : قوله حمدله على السلامه ياابا
شنودة : حمدله على السلامه ... بعد ايه بعد مضحكت عليه وقلتوله انى بقيت دكتور وايه خلصت الكليه الاكليريكيه كمان
فنجرى : اصل يا شنودة
شنودة : اخرس انت خالص ....... انت السبب فى دة كله انا غلطان اللى سمعت كلامك انا كان فين عجلى لما عملت كدة مكنتش اعرف ان الكدب ملوش رجليين
عبير : متزعلش نفسك ابوك طيب وهيسمحك يا شنودة
شنودة : بعد ايه بعد مبوظتله حلمه كان نفسه يشوفنى دكتور انا مستهلش اكون ابنه يا عبير
فنجرى : متزعلش ياعم انا جبتلك عيان اهه من الشارع وانت هتكشف عليه وهتبقى دكتور
شنودة : تانى يا فنجرى هنكذب تانى
فنجرى : دة مش كدب دة كدب ابيض
شنودة : يسلام
عبير : ودة جبته منين يا فنجرى
فنجرى : لقيته مرمى تجحت السلم اللى تحت قلت اعمل فيع ثواب واجيبه واخلى شنودة يكشف عليه .. قدام ابوة
ياله ياله قعدة على الكرسى واكشف عليه وان سالك مكنتش فى الكليه ليه قوله انك خلصت كليه وبقيت دكتور ومش ملاحق على الشغل
شنودة : يسلام اقوله خلصت طب بعد اربع سنيين والطب سبع سنين يافالح
فنجرى : يعنى ابوك يعرف سبع سنين من سبع تشهور ميعرفش حاجه ابوك فى التراوة
عبير : ايوة .... علشان ميزعلش يا شنودة .. ياله اكشف عليه احسن يايين ابوك طالع على السلم
شنودة : حاضر اقعد ياعم .... انت عندك ايه
العيان : انا عندى معزة وجوز عيال يا دكتور
شنودة : لالا دا انت حالتك صعبه جوى انا هكتبلك على برسيم للمعزة انما جوز العيال دول عايزيين عمليه فاهم بسرعه
يدخل المقدس صالح : والدى شنودة ( شنودة يحضن ابوة )
شنودة : اذيك يا ابا واحشنى من زمان مشمتش رحيتك يا ابا
فنجرى : ايه حضن المطارات دة
عبير : سيبهم يا واله مش قرايب
شنودة : عامل ايه يا ابا وازى صحتك كويسه
المقس صالح : واللهى ابدا يا والدى انما قولى انت بتعمل ايه ومنتش فى الكليه ليه
شنودة : اهى منا منا منا منا
فنجرى : اسكت يا عمى مش شنودة خلص وبقى دكتور اد الدنيا
صالح : معقول الكلام دةانا مش مصدق
عبير : لاء صدق يا عمى مهو منتش شايفه بيكشف على البهايم قصدى على العيانيين
العيان : يصرخ اه اه اه اه ا اه ا اه ا
شنودة : مالك مالك يا عيان
العيان : تعبان
شنودة : اهى انتا جاى تموت دلوقتى منتا بقالك سبعين سنه مرمى تحت السلم جاى تموت دلوقتى الله الله ... ( يمسك يدة ثم يتركها ) اهى دة دا مات مات يا فنجرى مات يا با روحت فى داهيه يا شنودة رحت فى داهيه
صالح : استنى بس متشوفله حاجه انت مش دكتور يا ولدى
شنودة : والدك صايع يا با ولدك صايع ( يلطم على وجه ) مبسوط يا فنجرى مبسوط يا خويا ادينا هنتسجن جبت العيان منين يا فنجرى
فنجرى : من عند الترب
شنودة : ايه كان ميت ورجع فىكلامه ملقتش الادة جاى يموت عندنا
صالح : ايه يا ابنىالكلام اللى انتا بتقوله دة
شنودة : هيا دى الحقيقه يا ابا انا مفلحتش فى حاجه واصل انا ضحكت عليك وقلتلك انى نجحت وبقيت دكتور والحقيقه انى سقط علشان انت اصريت انى اخش الكليه الاكليركيه
ومقدرتش اوفق بين الاتنين لا نفعت هنا ولا هنا رقصت على السلم
صالح : انا عارف كل حاجه يا ولدى من زمان وسايبك على راحتك
شنودة : عارف عارف ايه يا ابا
صالح : كنت عارف انك اترفدت من الكليه ومن المدرسه اللا كلوريكيه لكن انا صبرت عليك دة كله علشان اشوفك هتصرارحنى ولا هتدكب عليا
وانت يا فنجرى حسابى معاك كبير دى اخرتها تضيع ابن عمك
فنجرى : وانا مالى يا عمى مهو اللى سمع كلامى اهى
شنودة : المهم هنعمل ايه يا ابا فى المشكله دى احنا عندنا قتيل يا اخونا
عبير : قتيل ( ترقع بالصوت يالاهوى )
شنودة : بس اخرسى يا بت انتى اتفاجئتى يا اختى مهو متلئح من الصبح جايه تفتكرى دوقتى
العيان : اة اة اة
شنودة: يجرى عليه ايه دة انت انت ممتش
العيان :لاء انا عايز اتجوز البت الحلوة دى ( يلعب حواجبه )
عبير : اتجوزك قطر يا راجل يا ميت اهى
فنجرى : متفكرى يا بت دة راجل عند خبرة كبيرة جوى
عبير : يسلام خبرةايه بقه
فنجرى : تلاقيه مات يجى خمس مرات على الاقل
شنودة : سامحنى يا ابا هتسمحنى
صالح : هسامحك يا ولدى لكن انت متستسلمش انت لازم تحاول تانى وتالت ورابع اوعى تياس يا ولدى اليأس اكبر سلاح للشيطان هو الحاجه الوحيدة اللى تخلى البنى ادام يموت نفسه
لازم يا ولدى ولااد ربنا يبقو نور للعالم الهنا اله نجاح عمرة مكان اله فشل اوعى تنسى الايه اللى بتقوا ( استطيع كل شىء فى المسيح الذى يقوينى ) انت غلط لما ياست واستسلمت للكدب وسمعت كلام واحد جاهل زى دة ( العالم فيه جهال كتير بس احنا نور العالم لازم ننور يا ابنى فى الضلمه ونبقى مثل للناس كلها تعالى معايا البلد ونتبتدى من جديد وتخش الكليه وهتبقى زين تعالى تعالى يا ولدى
اوعى تفكر انى نسيتك يا ولدى

» مسرحية صليبك فين
» مسرحية مين هيمثل...؟؟
» مسرحية مع المسيح ذاك افضل جدا
» مسرحية خطايا وعطايا
» مسرحية كونو كاملين