كشافة العدرا وابو السيفين بفيديمين

كشافة العدرا وابو السيفين بفيديمين

مرحبا بكم في منتدي كشافة العدرا وابو السيفين بفيديمين
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
مرحباً بكم
في منتدى كشافة فيديمن
الايقونات التالية لاهم الموضوعات الموجودة بالمنتدى

للدخول الى احدى الموضوعات اضعط علية صغطة واحدة بزر الفارة الايسر










الترحيب


هذه الرسالة تفيد أنك غير مسجل .

و يسعدنا كثيرا انضمامك لنا ...

للتسجيل اضغط هـنـا

بحـث
 
 

نتائج البحث
 
Rechercher بحث متقدم
سحابة الكلمات الدلالية
لحفل صيحات للخروج من الثمر
المواضيع الأخيرة
» صيحة كشافة مصر على الخارطة
السبت يوليو 11, 2015 1:47 pm من طرف Admin

» البوم صاحب فضايل بمناسبة العيد المئوي للانبا ابرام
الخميس يوليو 31, 2014 8:14 am من طرف Admin

» العاب كشفية حلوة جدا وكتييير
الأحد يوليو 20, 2014 4:46 pm من طرف Amer mero

» ترنيمة انا في انتظارك
السبت يوليو 19, 2014 11:39 am من طرف Admin

» ترنيمة الرب قريب
السبت يوليو 19, 2014 11:31 am من طرف Admin

»  شقاوة عرائس
السبت يوليو 19, 2014 11:26 am من طرف Admin

» اسكتش الاهل و المراهقين
السبت يوليو 19, 2014 11:19 am من طرف Admin

» فقرة مبتكرة للسمر 1
السبت يوليو 19, 2014 11:14 am من طرف Admin

»  اسكتش ينبوع الحـــــــــب
السبت يوليو 19, 2014 11:10 am من طرف Admin

مرحبا بكم في منتدى كشافة العدرا وابو السيفين بفيديمن انت غير مسجل بالمنتدى يسعدنا انضمامك لنا
أنت غير مسجل فى منتدي كشافة العدرا وابو السيفين بفيديمين . للتسجيل الرجاء إضغط هنـا
FacebookTwitter
حقوق
الساعة الأن
 
جميع الحقوق محفوظة
 لـكشافة العدرا وابو السيفين بفيديمين
 ®حقوق الطبع والنشر
©2015 - 2014
عداد الزوار

.: عدد زوار المنتدى :.

comments

شاطر | 
 

 مسرحية مع المسيح ذاك افضل جدا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
مدير المنتدى
مدير المنتدى
avatar

الساعه الان :
عدد المساهمات : 94
نقاط : 276
السٌّمعَة : 3
تاريخ التسجيل : 16/07/2013

مُساهمةموضوع: مسرحية مع المسيح ذاك افضل جدا   السبت أغسطس 03, 2013 5:49 pm

مسرحية مع المسيح ذاك افضل جدا

الفصل الاول : يحكى عن ترابط الاسرة فى جو مسيحى رائع ( فترة الامتحانات )
المشهد الأول

(( يفتح الستار على مينا وكيرلس وهما يذاكران ))
مينا : إن الرعيل الاول للديمقراطية يستوجب بالضرورة وجود نظرية حوارية مستنبطة من الاحداث التى يمكن استقبالها باحد مستحدات التفكير الذى يولد فكرة جديدة عن
كيرلس : الحياة بعد الموت وهى التى اشار اليها الملك إخناتون فى كتاباته عن توحيد الالهة وجمعهم كلهم فى اله واحد اسمه الشمس
مينا : الثورات هى نتاج الشعوب الطبيعى بعد فترة من القهر والظلم والاستبداد وتتعدد
كيرلس : انواع الالهة فى نوع بالعجوة وفى نوع بالبسطرمه ونوع بالجبنة . وتتعدد انواع الالهة وتختلف فى كل أسرة من اسر الفراعنة .
مينا : ( مقاطعا ) كيرلس
كيرلس : لايرد .. وهناك العديد من المعابد كمعبد الدير البحرى
مينا : انت ياكيرلس وطى صوتك مش عارف أذاكر
كيرلس : كمعبد الدير البحرى بالأقصر
مينا : والاقصر بلدنا ( يغنوا مع بعض ) يالا اديها
كيرلس : يا عنى اعملكوا ايه مبعرفش اذاكر غير كده
مينا : هو انت ياعنى فاهم حاجة من اللى بتقولها
كيرلس : ياعنى انت فاهم حاجة ... يقلده ( أن الرعيل الاول من للديمقراطية .,....) هو يعنى ايه رعيل اساسا
مينا : رعيل يعنى رعيل صعبة دى .... رعيل يعنى .... ( إشارات بيده لاتعنى شيئ ..)
كيرلس : فهمت انا كده
مينا : انا حاولت افهمك وانت مافهمتش
كيرلس : وبحق والإله ايزيس والإله اوزوريس انك لحنتبيس
مينا : تعرف انا غلطان انى بتكلم معاك اساسا ... روح ذاكر فى حته تانية
كيرلس : اختك فى اوضتها وابوك فى الصالة ع التلفزيون وامك فى المطبخ اروح انا الحمام مافضلش غير الحمام .. ( يكرر )
مينا : ( يدفعه ) خلاص خلاص
(( تدخل الام ....... ومعها ساندوتشات )
الام : ايه صوتكوا واصل للشارع فى ايه
كيرلس : ارحمونى بقه ( ياخد السندوتشات ) بذمتك يامه لو حد قالك رعيل مش حتزعلى
الأم : لا انا مصدقش إن مينا يشتم
كيرلس : اهى ياعم شتيمة ولا مش شتيمة ... مش عارف اذاكر خدونى من هنا انا عاوز اوضة لوحدى
مينا : اظن انى انا مضايقك فى حاجة
كيرلس : مضايقنى ... مضايقنى .. حد ياجماعة يقول له دا صوتك وانت بتذاكر جايب الشارع مش عارف اركز اسقط ياعنى اسقط
الأم : خلاص ياكيرلس مينا صوته عالى دا انا بسمعه من المطبخ ده حتى بيقول وتتعدد انواع الالهة وتختلف فى كل أسرة من اسر الفراعنة . و نوع بالعجوة وفى نوع بالبسطرمه ونوع بالجبنة
كيرلس : لأ ونسيتى دى الاقصر بلدنا بلد سوا ح
الام : بس ( يجلس كيرلس )
الأم : ايه اخبارك يا منمن لسه مخلصتش
مينا : نشكر ربنا ادينى قربت اخلص
الأم : هو مين شفيع المادة دى
مينا : مار مينا طبعا
الام : يبقى خلاص ناجح بس أعمل اللى عليك ...... وانت ياكوكو خلصت ولا لسه
كيرلس : (( وهو بياكل )) وهو مفيش ساندوتشات جبنة رومى ( يفتش فى السندوتشات )
الأم : ما انت لسه مخلصها
كيرلس : خلاص مفيش بسطرمة
مينا : ياريت فلح فى المذاكرة زى ما انت فالح فى الاكل (( ليس بالخبز وحده يحيا الانسان ))
كيرلس : وهو بياكل (( لكن بكل كلمة تخرج من فم الله )) يشنق ... عاوز يشرب
الام : (( تعطيه يشرب )) براحة براحة الاكل مش حيخلص
كيرلس : خلاص مش حاكل انتوا بصين فى اللقمة
مينا : ( يحمل طبق السندوتشات الفارغ ) ايوه ما هو واضح
الأم : ياربى اعمل فيك ايه ..(موجهة كلامها لكيرلس ) استنى يامينا أعملك ساندوتشات
كيرلس : ياريت بس يكون معاهم حاجة ساقعة عشان تهضم
(( تخرج الأم ))
مينا : مش حبتطل هزارك ده
كيرلس : يا حبيبى يا منمن ده انا بحب اهز معاك مش انت اخويا برضه ( يغنى )
مينا : بس خلاص ( يسكت كيرلس ومينا يغنى وينتهى الغنى بالضحك )
مينا : كفاية هزار لحد كده ممسكا بالانجيل حتقرا النهاردة فى الكتاب المقدس ولا زى امبارح
كيرلس : اقرا انت وانا حسمعك
مينا : فصل من بشارة الانجيل بحسب ما كتبه لنا معلمنا لوقا البشير (لو 19 : 36 )
( الصوت يضعف والاضاءة تصبح خافته ) وكيرلس ينام
تغلق الستــــــــــــــــــــــــــار
المشهد الثانى

( فى الخلفية ديكور للجامعة )
تدخل مارى ومعها زميلتها مريم حاملين بعض الملزمات وادوات الامتحان
مارى : اخيرا الواحد خلص امتحانات
مريم : نشكر ربنا النهاردة الامتحان كان صعب جدا بس انا جاوبت كويس
مارى : طول عمرك دحيحة ..... ماتيجى نشترى حاجة نشربها


مريم : يالا دا عطشانة موت
( يدخل وكيرلس ومعاه 2 أصدقاء )
ماجد : الواحد ما صدق يخلص علشان يشوف نفسه وينام
انطون : بس الجامعة حتوحشنى قوى
كيرلس : الجامعة برضه ولا البنات اللى فى الجامعة
انطون : على ايه ياحسرة هو انا اعرف كام بنت دول كلهم 3 أو 4 بس
ماجد : صح ( نيفين ايرين مورين – شيرين نسرين حنين – ماريان ايمان حنان - )
أنطون : بس فضحتنى روح يا شيخ يارب بنطلونك يقع منك وسط الجامعة وتتفضح زى ما فضحتنى
كيرلس : مش غلط انك تعرف بنات طالما بتعاملهم زى اخواتك وفى حدود بينك وبينهم ولا انت بتعاملهم حاجة غير كده
أنطون : طبعا يا اخونا دول خواتى خواتى قوى يعنى
ماجد : طبعا اجتماعات الخدمة حتبدء من بكره أكيد اخوك مينا حيعملنا يوم روحى بمناسبة الاجازة
كيرلس : ده بيعد فيه من قبل ما يمتحن وبكره عامل اجتماع مع ابونا والخدام علشان يعرض فكرة اليوم الروحى
(( تدخل مريم ومارى ))
مريم : مساء الخير عملتوا ايه فى الامتحان (( ويسلموا على الجميع ))
أنطون : مساء النور احنا تمام طالما الجميل تمام
كيرلس : (( يضربه برجله )) احنا حالينا الامتحان كله
مارى : طيب عملتوا ايه فى السؤال الرابع ده كان صعب قوى
أنطون : هو كان فى سؤال رابع
كيرلس : بتاع وصف مقبرة توت عنخ امون
مريم : لأ ده السؤال الثالث
كيرلس :نعم
أنطون : هو الامتحان مش سؤالين بس
ماجد : لأ 4 يا خفيف انت وهو
كيرلس : حليت 3 اسئلة
أنطون : حليت سؤالين
مريم : لأ احنا نسيبكوا ونروح ونتقابل فى الكنيسة فى الاجنماع يالا يا مارى
ماجد : استنوا يا بنات اجى اوصلكوا
كيرلس وأنطون يجلسان على الارض ويعددان (( متروكة لإبداع المؤديين ))
ماجد :" مقاطعا " يالا ياواد انت وهو ادى اخر الاستعجال ومذاكرة ليلة الامتحان
كيرلس : امشى يا ماجد ( يخرج ماجد وتدخل رانيا )
أنطون : الحق رانيا جات
كيرلس : هى ناقصة
أنطون : طيب اسيبكوا بقه
كيرلس : لأ حتسبنى وتروح فين متسبنيش لوحدى انا بخاف
أنطون : البنت بتحبك عملها كويس ومتقفش عليه ( يقوم )
كيرلس : ما تسبنيش يا أنطون ابوس ايديك ما تسبنيش ( يخرج أنطون )
رانيا : ازيك ياكوكو
كيرلس : كيرلس اسمى كيرلس وانا الحمد لله كويس
رانيا : طيب عملت ايه فى الامتحان ياكوكو
كيرلس : زى الزفت
رانيا : ولو حستناك لحد ما تخلص علشان نخلص مع بعض
كيرلس : ياست انتى عاوزة ايه منى
رانيا : يجمعنا عش واحد انا وانت
كيرلس : عش ايه ياعصفورة انتى عاوزة مكان مفتوح
رانيا : انت بتعاملنى كده ليه انا وحشه ولا ايه
كيرلس : انا لسه بدرى عليا فى الجواز انا نفسى اشوف الدنيا عاوز اسافر واتعلم واخذ خبرة بعدين اتنيل اشوف واحده ها واحده بس تتجوزنى
رانيا : فيها ايه لما استناك هستناك العمر كله
كيرلس : محدش عارف نصيبه فين يمكن اموت يا ستى
رانيا : بعد الشرعليك ياحبى دا انا كنت اجى وراك علطول
كيرلس : ياربى اعمل ايه .... يارانيا انتى زى اختى وربنا يوفقك وتلاقى الانسان اللى فى حجمك اللى يرضه بيك وحيبقى عمل خير فيكى وفيا وفى الدنيا دى كلها وظلم نفسه


رانيا : وظلم نفسه .... طيب بص يا كيرلس (( تطلع شيكولاته وشيبسى وكراتيه )) انت مش ممكن تفكر فى الموضوع ده
كيرلس : (بحسرة ) لأ مش ممكن ولاحتى بساندوتش جبنة رومى
رانيا : ( تطلع ساندوتشات ) وياخد ساندوتش
كيرلس : حرام اللى بيحصل ده حرام هو فى حد بيتجوز كده ياعالم انا مش ممكن اتنازل عن رائ ابدا
رانيا : ابدا ابدا
كيرلس : ابدا ابدا
رانيا : ( تاخد الساندوتش ) تاكس . سلام ياكوكو ( تخرج رانيا )
كيرلس : ( يظهر عليه الجوع وينادى رانيا) رانيا رانيا . تاكس لا يارانيا تاكس لا راح التاكس فى داهية ( صوت تكسير )
صوت من الخارج : منك لله خربتى بيتى عوض عليا يارب عوض الصابرين
كيرلس : معلش ياريس ربنا يعوضك
يرن جرس المحمول لكيرلس
كيرلس : الو
مينا : الو
مينا : انت اتاخرت ليه يا كيرلس كلنا قلقلين عليك
كيرلس : انا جى ياخويا انا جاى
مينا : عملت ايه فى الامتحان


كيرلس : الحمد الله حليت كويس
مينا : طيب تعال وخلى باللك من نفسك
كيرلس : (( يخرج الجميع من المسرح )) لأ متقلقش انا جاى يالا حطوا الغدا عقبال ما أوصل
تغلق الستار
الفصل الثانى ( المشهد الأول )
يفتح الستار على مجموعة شباب جالسين
ماجد : تفتكروا اليوم الروحى حيكون عن ايه ؟
كيرلس : تفتكروا اليوم الروحى حيكون فين ؟
أنطون : تفتكروا اليوم الروحى حيكون فيه مين ؟
كيرلس : مش حتبطل كفاية اللى حصل كفاية اللى حصل
أنطون : هو انا بعمل ايه بس ؟ حرام عليكوا ؟ وبعيدين هو ايه اللى حصل يعنى ؟
كيرلس : قعدت سرحان فى اللجنة وحليت سؤالين من 4
ماجد : وطلع اول واحد وياريت البنات قعدوا معاه لكن كل واحدة خلصت وروحت بيتها ع طول
كيرلس : اه الايام دى ربنا يسترها علينا وعلى كنيسته ؟
ماجد : فعلا الواحد بيخاف يمشى لواحده فى الشارع دلوقتى مابالك البنات
أنطون : أدى اللى خدناه من الثورة وزنجا زنجا
كيرلس : ايوه دقت ساعة العمل الى الامام الى الامام
(( يدخل ابونا ومعه مينا ))
أبونا : فى ايه يا كيرلس مالك يا ولدى
كيرلس : لا يا بونا ده الاسكتش اللى حنعمله فى اليوم الروحى
أبونا : طيب ما تورونى حته منه
أنطون : زنجا زنجا الى الامام الى الامام
ماجد : (( مقاطعا )) مش حينفع دلوقتى يا ابونا خليها وقت تانى
ابونا : طيب اتفضلوا اقعدوا (( يجلس الجميع )) مينا كان اقترح ان يكون اليوم الروحى عن السما
كيرلس : السما ازاى يعنى يا ابونا
انطون : يعنى الشمس والقمر والطيارات وكده يعنى
مينا : هو انطون ماله ؟
كيرلس : معلش اصله سخن شوية ...... السما ازاى يعنى
ماجد : قصدك يا ابونا الحياة فى الفردوس
ابونا : اه بس محتاجين حد يحضر درس كتاب عن الموضوع مين فيكم يحضره ؟
انطون : انا احضره بس ححتاج معايا واحدة تساعدنى علشان نحضر كويس
كيرلس : مش حينفع غير مينا يا أبونا هو أكتر واحد بيقرا فى الانجيل ويعرف يحضر
ماجد : فعلا هو انسب واحد
أبونا : خلاص يا مينا انت حتحضر درس الكتاب بس حنسمى عنوان الدرس ايه ؟
كيرلس : ممكن الانسان والسماء
انطون : ممكن حلاوة السما
ماجد : ممكن مع المسيح فى السما
مينا : حنسميه (( مع المسيح ذاك أفضل جدا ))
كيرلس : ده عنوان كبير وحيشمل حاجات كتيرة جدا
أنطون : طيب احنا عاوزين حاجة محددة نتكلم فيها
أبونا : خلاص يا مينا شوف عناصر الموضوع وأنا واثق فى اختياراتك . ونتقابل يوم الاحد اللى جاى بعد القداس علشان نتناقش فى العناصر (( يسلم الجميع على ابونا ويخرج )
أنطون : دبسك ابونا يا مينا
كيرلس : ماتقلقش يا مينا انا حدورلك على عناصر للموضوع
ماجد : لأ فالح قوى . مفكر عظيم
كيرلس : كل المؤتمرات والايام الروحية انا اللى بعمل عناصرها واسألوا مينا

مينا : كيرلس انا مروح
ماجد : وانا مروح
أنطون : خدونى معاكوا
كيرلس : يعنى كلكوا واخدنى على قد عقلى (( يخرج الجميع )) مفيش حد مصدقنى انا ضرورى اجمع عناصر للموضوع ( مع المسيح ذاك افضل جدا ) .... اه لقيتها مينا يا مينا لقيتها .
يغلق الستار
المشهد الثانى
(( يفتح الستار على بيت مزين لحفلة عيد ميلاد كيرلس))
الأم : ( تدخل حاملة أطباق لتجهيز المائدة ) يالا يا ايرينى اخواتك زمانهم جايين
إيرينى : ايوه يا ماما ( تدخل حاملة شوك ومعالق) خلاص أخر حاجة الكوبايات
الأم : طيب أنا حدخل اجبها ( تخرج )
أيرينى : كله ده علشان خاطر عيد ميلاد استاذ كيرلس يارب يجى بسرعة انا خلاص تعبت
الأم : ( تدخل اثناء الكلام ) معلش يا ايرينى ادينا خلاصنا
ايرينى : انا مش تعبانة يا ماما أنا نفسى اشوف كيرلس احسن واحد فى الدنيا بس لو يركز شوية ويبقى هادى زى مينا كده
الأم : مينا مفيش زى مينا ولا كيرلس انتى عارفه رغم انه كيرلس شقى شوية إنما حنين فاكره يوم لما جيتى تعبانة من المدرسة عمل ايه
ايرينى : طيب فاكرة انتى يوم ما اتعورتى بالسكينة فى المطبخ كان عايز يروح يتبرعلك بدمه وكان يدوبك نقطتين ده اللى نزله
الأم : كان جرح بسيط مايستهلش
(( صوت مفاتيح وباب ينفتح ويدخل الاب حاملا كيس من الفاكهة وجريدة ))

الأب : مساء الخير ( ينظر حوله فى تعجب ) ايه الحلاوة دى اكيد النهاردة العيد
أيرينى : ( تاخد منه الكيس وتذهب الى المطبخ ) عيد ايه بس
الأب : طيب شم النسيم
الأم : ولا شم النسيم
الأب : طيب ذكرى جوازنا
الأم : ولاعمرك افتكرته حتفتكره النهاردة لا
ايرينى : النهاردة عيد ميلاد كيرلس
الأب : هو النهاردة يبقى عنده 22 سنة
الأم : الايام بتجرى بسرعة يا أبو مينا .....فاكره كانه لسه صغير وقاعد يلعب من اخواته
ايرينى : وكان دايما ياخد اللعب بتاعتنا و يجرى .... دا انتى كنتى بتدلعيه دلع
(( يدخل مينا اثناء الكلام ))
مينا : كلنا ادلعنا مش كيرلس بس
الام : ( تحتضن مينا وإيرينى ) كلكم غاليين عليا ربنا يحفظكم ويخليكم كليا واشوفكم واشوف ولادكم وتكونوا احسن ناس
(( يرن جرس التليفون مقاطعا ))
الأب : الو
المتصل : ايوه يا ابو مينا فى مشكله فى كنيسة الملاك فى ناس عاوزين يدخلوا ويفتشوها
االأب: ناس مين دول وعاوزين ايه
المتصل : مش عارف احنا عاوزين نمنعهم ومش عارفين
الأب : انا نازل دلوقتى ( صوت أطلاق نيران ) الو الو الو يا مجدى مجدى ( يضع السماعة )
فين كيرلس
مينا : كيرلس فى كنيسة الملاك ( يخرج )
الأم : ولدى ( تذهب للأب ) انا عاوزة ابنى انزل هاتلى ابنى انا عاوزة ابنى
الأب : ما تقلقيش ربنا يستر الله ياملاك جيب الامور سليمة ( يخرج ) (( تقلل الاضاءة ))
مينا : يدخل مرتديا ملابسه
الام : ( باكية ) رايح فين
مينا : رايح اجيب كيرلس
الأم : لا مش انتو الاتنين تطلعوا وتسبونى محدش حيطلع
مينا : متخافيش يا امى الهنا قوى ومش حيخلى حاجة تحصل لينا ابدا والبابا كيرلس ومارمينا معانا ( يخرج )
الأم : ( تجلس باكية وبجانبها أبنتها )
ايرينى : الله يا ملاك ترجعهم بالسلامة الله ياعذراء يام النور
الأم : ( تذهب ناحية الصليب وتصلى ) يارب يا يسوع زى ما خلصت دانيال من جب الاسود خلصنا الله ياعدرا رجعيهم بالسلامة يارب احفظهم دا انا ماليش غيرهم فى الدنيا دى يارب انت وحدك قادر على كل شئ يارب لتكن ارادتك لتكن مشيئتك ياقدوس
(( يدخل دخان ونور ابيض ورائحة بخورمن الناحية الأخرى ويدخل كيرلس مبتسم مرتديا ملابس السماء ))
تلتفت ايرينى فتنظر وتجفف مدامعها وتمسك بيد امها لتنظر كيرلس ويخرج كيرلس فبل ان تنظره امه
الأم : ايوه يا ايرينى صلى معايا يابنتى يرجعهم بالسلامة
ايرينى : كيرلس ... كيرلس كان هنا
الأم : فين يا ايرينى فين
إيرينى : ريحة بخور شمى كده بصى الشقة منوره إزاى
الأم : ايرينى ايرينى ( فوقى )
ايرينى : خلاص يا ماما كيرلس فى السماء
(( صوت ع السلم وبكاء وزحمة )) ( الأم تحتضن ايرينى )) (( يدخل الناس من الباب حاملين كيرلس ظاهرا اثار الدم عليه ويضعوه على الكنبة ))
الأم : كيرلس .. كيرلس رد عليا ياحبيبى انا امك يا ضنايا يارب
ممثل 1 : البقية فى حياتك يا ابو مينا كيرلس مرضيش يجرى ويسيب الكنيسة ابدا
ابو مينا : حياتك الباقية
ممثل 2 : كيرلس استشهد على اسم المسيح ودلوقتى فى السما ... شد حيلك
ابو مينا : دلوقتى هو مع المسيح محدش يعزينى انا ابنى شهيد ..
(( ترنيمة )) الاضاءة خافتة تدريجيا
المشهد الاخير
(يظهر خليفة عليها اسم اليوم الروحى وشباب جالسين ثم يدخل مينا حاملا الكتاب المقدس وصورة لكيرلس )
مينا : بسم الآب والابن والروح القدس إله واحد امين . موضع النهاردة حضروا واعده الشهيد كيرلس . كنا كلنا محتارين فى عناصر الموضوع لكن العناصر هو كتبها بدمه . مع المسيح لازم تكون حياتنا .مع المسيح لازم تكون محبتنا . مع المسيح فى الحياة والموت
( فلاش باك بروجيكتور ) يظهر كيرلس فى مواقف متعددة مع اخنه وامه ووالده ومع اصحابه فى الجامعة بالاضافة الى صورة استشهاده وبعدها صورته بملابس السماء
( يغلق الستار )
مع المسيح ذاك افضل جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fediminscouts.arabepro.com
 
مسرحية مع المسيح ذاك افضل جدا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كشافة العدرا وابو السيفين بفيديمين :: مواضيع الكشافة :: اسكتشات مسيحية-
انتقل الى: