كشافة العدرا وابو السيفين بفيديمين

كشافة العدرا وابو السيفين بفيديمين

مرحبا بكم في منتدي كشافة العدرا وابو السيفين بفيديمين
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
مرحباً بكم
في منتدى كشافة فيديمن
الايقونات التالية لاهم الموضوعات الموجودة بالمنتدى

للدخول الى احدى الموضوعات اضعط علية صغطة واحدة بزر الفارة الايسر










الترحيب


هذه الرسالة تفيد أنك غير مسجل .

و يسعدنا كثيرا انضمامك لنا ...

للتسجيل اضغط هـنـا

بحـث
 
 

نتائج البحث
 
Rechercher بحث متقدم
سحابة الكلمات الدلالية
فريق جديدة الكشفية التي صيحة بفيديمين الكشفي كشافة الحركة صيحات نايم الكشفيه باول اسكتش مؤسس كشفية مسرحية العاب الانبا الكشافة انواع بادن انتا نشأتها اللورد المنديل
المواضيع الأخيرة
» صيحة كشافة مصر على الخارطة
السبت يوليو 11, 2015 1:47 pm من طرف Admin

» البوم صاحب فضايل بمناسبة العيد المئوي للانبا ابرام
الخميس يوليو 31, 2014 8:14 am من طرف Admin

» العاب كشفية حلوة جدا وكتييير
الأحد يوليو 20, 2014 4:46 pm من طرف Amer mero

» ترنيمة انا في انتظارك
السبت يوليو 19, 2014 11:39 am من طرف Admin

» ترنيمة الرب قريب
السبت يوليو 19, 2014 11:31 am من طرف Admin

»  شقاوة عرائس
السبت يوليو 19, 2014 11:26 am من طرف Admin

» اسكتش الاهل و المراهقين
السبت يوليو 19, 2014 11:19 am من طرف Admin

» فقرة مبتكرة للسمر 1
السبت يوليو 19, 2014 11:14 am من طرف Admin

»  اسكتش ينبوع الحـــــــــب
السبت يوليو 19, 2014 11:10 am من طرف Admin

مرحبا بكم في منتدى كشافة العدرا وابو السيفين بفيديمن انت غير مسجل بالمنتدى يسعدنا انضمامك لنا
أنت غير مسجل فى منتدي كشافة العدرا وابو السيفين بفيديمين . للتسجيل الرجاء إضغط هنـا
FacebookTwitter
حقوق
الساعة الأن
 
جميع الحقوق محفوظة
 لـكشافة العدرا وابو السيفين بفيديمين
 ®حقوق الطبع والنشر
©2015 - 2014
عداد الزوار

.: عدد زوار المنتدى :.

comments

شاطر | 
 

 مسرحية صليبك فين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
مدير المنتدى
مدير المنتدى
avatar

الساعه الان :
عدد المساهمات : 94
نقاط : 276
السٌّمعَة : 3
تاريخ التسجيل : 16/07/2013

مُساهمةموضوع: مسرحية صليبك فين   السبت أغسطس 03, 2013 6:12 pm

مسرحية صليبك فين
المشهد الاول :
المنظر : خلفية لشارع بة محلات تجارية ومنازل ورصيف
الشحات : يدور ويكلم كل من يقترب منة
الشحات : لله يا محسنين لله غلبان ومش لاقى اكل.. حسنة قليلة تمنع ناصيب كتيرة
(يمر بجانبة رجل غلبان ويبدو علية انة مفلس )*
الشحات : غلبان يا بية ومش لاقى اكل
الراجل الموظف : والله وانا كمان بس خد.. ولله انت صعبت عليا
ادى الى معايا كلة (يعطى له جنية )*
الشحات : اية دة يا بية
الراجل : اية يا عم فية اية دة جنية
الشحات : جنية . منا عارف انة جنية ولما انت مفلس سايبنى اعد ادعيلك لية ومعطلنى .. خد الجنية بتاعك ولا على اية اتة اهة ينفع
الراجل : هو الجنية مش عاجبك
الشحات : بقول اية متيجى تشتغل معايا .. هة هة هة( لله يا محسنين لله)
الراجل : يمشى وهو حزين .... ويقول لنفسة ادينا فلسنا الجنية الى كان حلتى ضاع بس اكيد ربنا هيفرجها افرجها يا رب ..
( يمشى خطوتين ) ينظر لاسفل يلاقى خمسون جنيها
الراجل : معقول اشكرك يا رب لما اروح افرح مراتى .....

يظهر بعد ذلك رجل ثرى(سامح) جدا ومعة زوجتة ....
سامح :شفتى باة اد اية الراجل الغلبان دة فرح بالخمسين جنية
الزوجة : ايوة بس انت برافو عليك بجد على الى انت عملتة معة دة .. بس انت لية يا سامح متدلوش الفلوس فى ايدة
سامح : الناس دى يا مرثا حساسين جدا . علشان كدة لازم نراعى شعورهم

مرثا : ايوة ...
تنظر مرثا الى الامام تلاحظ طفلة صغيرة تاكل من صناديق الزبالة
مرثا : بص بص يا سامح :
سامح : ابص على اية
مرثا : بص الطفلة دى بتاكل منين
سامح : اة دى بتاكل زبالة
مرثا : سامح اية رءيك ناخدها وربيها عندنا
سامح : اية ؟؟؟؟؟؟؟؟؟
مرثا : سامح احنا لفينا كتير على موضع الخلفا دة ولسة جايين من عند الدكتور وقال انة مفيش فايدة .. فيها اية لما ربيها واة نكسب فيها ثواب
سامح : بس ...افرضى ان عندها ام واب هيرضو يسبوها
مرثا : هى لو كان عندها ام ولا اب كانو هيسبوها كدة يالة بس يا سامح نسالها
يذهبون الى الطفلة
مرثا : انتى اسمك اية يا حلوة
الطفلة : انا اسمى( ايرنى)
مرثا : امال فين بابا او ماما يا ايرنى
سها : مع الموسيقى ( انا معنديش لا بابا ولا ماما ) انا طلعت فى الدنيا كدا مليش حد خالص غير جدو ,
مرثا : طيب هو فين جدك دا وسايبك لية فى الشارع كدة
الطفلة : رجعت فى يوم من المدرسة لقيتة نايم على السرير قعدت اصحى فية مردش عليا وقالولى انة مات وشوية وصاحب البيت طردنى من الشقة ومن ساعتها وانا عمالة الف فى الشوارع ومش لقية حتة اروح فيها غير الكنيسة الى فى الشارع دة
سامح : اسمعى اية رايك تيجى معانا وتعيشى ويانا
ايرنى : خدامة يعنى
مرثا : لاء . هتكونى بنتنا
الطفلة : بنتكم . معقول . انا مش عارفة اقول اية انا .......
مرثا : متقوليش حاجة . قولى موافقة
الطفلة : (صمت)*......... موافقة
مرثا : يا حبيبتى (تاخذها بالحضن ) * موسيقى
تقفل الستارة ...............................................

تفتح الستار على منظر لمنزل فخم يحتوى على صور وتحف فنية
الشغالة 1:(يرن جرس التليفون ) الو مين معايا .. ايوة يا افندم لاء هو مش موجود ... لما يجى هبلغة يا افندم مع السلامة
لما الحق اوضب الاوض احسن زمانهم جايين احسن البية بتعنا دة منظم قوى . وكمان طيب بس لو مكنش اخوة دة كان زمانة بقى حاجة تانية حكمتك يارب تدى الفقير وتحرم الغنى
يدخل سامح ومرثا ومعهم البنت الصغير ة
مرثا : ادخلى يا ايرنى..... تتصورى انى مش مصدق الى حصل دة
الطفلة : ولا انا كمان مصدقة
مرثا : يا ربنا فعلا بيجيب كل شىء باوان
سامح : انتى عارفة انتى على اسم مين يا ايرنى
ايرنى : ايوة دة اسم تماف ايرنى الراهبة رئيسة دير الرهبات ( صح )
مرثا : صح شاطرة يا عسل .. ودلوقتى باة هنخش ناخد دش جميل ونغير هدومنا ونتغدى دادا فهيمة. دادا فهيمة
فهيمة : ايوة يا افندم
مرثا: خدى ايرنى وحميها وغيرى ليها هدومها ولبيسها البس دة
فهيمة : مين دى يا ستى
مرثا: اية انتى حشرية كدة لية انتى مالك
فهيمة : انا مالى. تعالى يا حلوة ..
سامح : تفتكرى الى عملنا دة صح
مرثا : تفتكر انت عيشتنا فيها حاجة صح
سامح : طبعا فيها كفاية ان احنا مش محتاجين حاجة من حد
مرثا : بس الناس كلها محتجالك
سامح : قصدك اية
مرثا: قصدى اخوك ومراتة الى عايشين فى خيرك وعمالين يسرقوك وانت عارف وساكت ...
سامح : شريف اخويا وبيرعى مصالحى وانا مديلة حرية التصرف فى كل حاجة
مرثا : ودة غلط .... انت عارف ان المال السايب يعلم السرقة
سامح : ارجوكى يا مرثا انا مسمحش ان حد يقول على اخويا حرامى
مرثا : انا خايفة عليك ..
سامح : لو سمحتى سيبنى لوحدى دلوقتى
مرثا : سامح انت زعلت من كلامى انا مش قصدى
سامح: لو سمحتى سيبنى
مرثا : انا داخلة جوة البس ايرنى ......
سامح: معقول يكون كلام مرثا دة صحيح ... ولا دة كلام ستات . هو كلام ستات
يرن الجرس ( يقوم سامح يفتح الباب ) *
اخويا حبيبى انت فين يا راجل وحشنى عامل اية مالك خاسس كدة لاء لاء انت لازم تاخد اجازة هو الواحد لية غير صحتة اسمع انا عندى رحلة حلوى قوى راحة جزر القمر اية رائيك ولا تروح تيلاندا هناك بيعملوا كوكتيل فظيع
سامح : شريف (بصوت مرتفع )اسكت شوية . ادينى فرصة اتكلم
شريف : انا اسف يا اخويا اصلك وحشنى
سامح : بجد انا وحشك
شريف : طبعا انت عندك شك فى كدة ولا اية
سامح: امال فين ابنك ومراتك
شريف : راحت عند امها وبينى ويبنك انا وزعتها علشان نقعد مع بعض لوحدنا
سامح : لية
شريف : اصل عندى مفجاة عاوز اقولهالك
سامح : لاء اقولك انا المفاجأة بتعتى الأول
شريف : مفاجأة مفاجأة أية
سامح : يندة : ايرنى يا ايرنى
شريف : ايرنيك ايرنيك مين
سامح : ايرينى يا جاهل استنى بس
تدخل ايرنى وهى ترتدى ملابس جديدة
شريف : مين دى يا سامح (بصوت مخنوق)
سامح : دى باة ايرنى ..... بنتى ( موسيقى خطر )
شريف : بنتك . بنتك منين يعنى جبتها منين يا سامح
سامح : من الشارع يتيمة ملهاش اب ولا ام اية اسيبها تموت فى الشارع
شريف : لاء بس يعنى مش لدرجة انك تقول انها بنتك
سامح : اذا كان ربنا دعانا اولادا لية تيجى انت وتقول كدة
اسمع يا شريف البنت دى هتبقى بنتى تعاملها كويس
وانتى يا ارينى دا يبقى عمو شريف اخويا
شريف: يمد يدة ليسلم عليها
ايرنى : تجرى من امامة وتدخل الغرفة
سامح : ايرنى ايرنى . معلش اصلها مكسوفة شوية
شريف : لاء ومالو يا اخويا ميجراش حاجة
بس انا شايف ان الحكاية دى ملهاش لزمة قوى يعنى
سامح: يعنى اية ملهاش لزمة
شريف : يعنى انا قصدى اقول ان ربنا لو كان عاوزك تخلف كان خلاك خلفت وبقى عندك عيال
لكن انت لو جيت حسبتها هتلاقى ان ربنا بيوزع نعمة على الناس كلهم زى بعض
سامح : ازاى يعنى
شريف : يعنى تلاقى الراجل الفقير عندة عيال وعندة صحة وعندة راحة البال بس معندوش فلوس ؟ وتلاقى الراجل الغنى عندة المال والصحة وراحة البال بس معندوش عيال ووحد تانى تلاقة عندة فلوس وصحة وعيال بايظة مينفعوش فى حاجة . اة الدنيا اصلها مش على كيف حد يا اخويا
سامح : بس مش معنى كدة اننا .......
شريف : اننا اية. نرضى بالى اسمهولنا ربنا
سامح : انت هتطلعنى كافر منا راضى بس انا لقيت البت دى فى سكتى قولت اساعدها ثم انك زعلاان لية كدة
شريف : انا مش زعلان ولا حاجة انا خايف ..عليك وعلى فلوسك مش ممكن البنت دى تبقى حرامية وتسرق لما تكبر
سامح : لا الحرامى بيتولد حرامى ولا القديس بيتولد قديس
شريف : يا امال اية .
سامح : التربية هى الى بتحدد الطفل الى هيكبر دة يبقى اية يعنى انت عاجبك اوى تربية ولادك الى مدخلهم احسن مدارس ومعلمهم احسن تعليم
شريف : مالهم ولادى انت هتخبط فى ولادى
سامح : لاء مبخبطش . بس اسالهم امبارح انا جايبهم منين
شريف : منين ولاادى امبارح كانوا فى الدرس
سامح : درس .. قصدك القسم
شريف : قسم قسم اية انت اكيد بتهزر .
سامح لاء مبهزرش . كل الحكاية ان الظابط اتصل بية وقالى ان فى اثنين بيقولوا انك عمهم ممسوكين فى المقطم بعربية وكانو بيشربوا مخدرات
شريف : مش ممكن انت اكيد بتضحك عليا انا هروح اسالهم ولو كان الكلاام دة صح انا هوريهم
سامح : شريف شريف استنى يا شريف ..... يجرى وراة

تدخل مرثا ومعها الطفلة على خشبة المسرح
مرثا : هو سامح وشريف راحو فين
ايرنى : تلاقيهم خرجوا يجيبوا حاجة من برة
مرثا: قوليلى يا ارينى انتى كنتى بتروحى الكنيسة
ايرنى : ايوة انا كنت على طول بنام فى الكنيسة وبحضر كل القدسات بس مكنتش بحضر مدارس الاحد
ايرنى : لية
مرثا علشان لبسى مكنش نضيف وكنت بنكسف احضر مع الاولاد الى فى سنى
سعات كنت استخبى واسمع الدرس من بعيد
ايرنى : لاء انتى غلطانة يا ايرنى علشان الانسان عمرة مكان بمظهرة الانسان دايما بقلبة وبايمانة بربنا انتى عارفة ان كان فى قديسين كتير كانو اغنية وكانوا ملوك وسابوا دة كلة علشان ربنا ومش كدة وبس دة كانوا يتصنعوا انهم مجانين علشان المجد الباطل
ايرنى : يا .. انا كنت فعلا غلطانة ياريت تعلمينى اكتر عاوزة اعرف كل حاجة عن القديسين دول
مرثا : هعرفك كل حاجة بس الاول خدى البسى الصليب دة
ايرنى : الله صليب جميل قوى دة ذهب
مرثا : منا عارفة انة ذهب بس الصليب عمرة مكان بقيمة فضة او ذهب اوخشب المهم بقوة ايمانا بية
ايرنى : يعنى اية
مرثا : يعنى قوة الصليب دى جوانا احنا واحنا الى بنحدد قوتها لو كبير ممكن تحمينا من اى شر ولو كان ايمنا ضعيف ممكن الصليب ميعملش حاجة خالص المهم قوة ايمنا
ايرنى : انا هأمن بالصليب دة كتير قوى وقبل مهعمل اى حاجة هقول باسم الصليب علشان ربنا يقف جنبى
مرثا: شاطرة شاطرة خالص يا ايرنى بس انا زعلانة منك ؟؟؟؟
ايرنى : زعلانة منى انا لية
مرثا : علشان لحد دلوقتى مسمعتش كلمة ماما منك
ايرنى : انا اسفة يا ماما
مرثا : يا حبيبتى ( وتاخذها بالحضن )
تعالى باة لما اوريكى الاوضة بتاعتك ..........

يدخل سامح ومعة احد الاشخاص .........
سامح : اهلا اهلاا وسهلاا دى فرصة سعيدة
الاستاذ كامل:اسمع يا استاذ سامح انا كان نفسى الزيارة دى تبقى سعيدة لكن واجبى انى احذرك
سامح : تحذرنى من اية يا استاذ
كامل : انت عارف انى المستشار القانونى للشركة يتاعتك
سامح : طبعا عارف منا الى معينك
كامل : علشان كدة انا لحظت فى الفترة الاخير ان فى بعض المعاملاات السرية بتحصل فى الشركة من ورا ظهرك
سامح : معاملاات زى اية
كامل : توريد منتجات ... استيراد منتجات غير مشروعة باسم الشركة تسريب معلومات لشركات منافسة كل دة بيحصل عن طريق توكيل عام انت عاملة لحد فى الشركة
سامح : انت قصدك مين
كامل:قصدى انت عارفتة يا سامح بية انا مش قصدى اقع بينك وبين اخوك لكن اللى بيحصل دة فى خطر عليك وعلى الشركة العنصر الفاسد دة لازم نقطعة او نغيرة حاول تكلمة وتعرفة انك عرفت يمكن ينكسف منك ويبطل الى بيعملة دة
سامح : تروح دلوقتى تلغلى التوكيل الى انا عملهولة , وتحطلة فى البنك مليون جنية ياسمة
كامل : اية انت بتقول ... ساعتك انت يتتكلم بجد
سامح : ايوة بتكلم بجد انا هديلة درس مش هينساة عمرة
ابويا زمان هو الى خلاة طلع كدة انانى مبيحبش غير نفسة كان علطول يبص فى الحاجة الى فى ايدى كنت علطول بسامحة وانا الى اصلحة كان يشتم ويتخانق ويضرب العيال الصغيرين . وابويا يضحك ويقول جدع متخليش حد يضربك خد حقك بدراعك وادى النتيجة لاازم ياخد درس يرجعة لازم
كامل : انا تحت امر ساعتك . خدنى معاك علشان فيى حاجة مهمة كنت نسيها وخايف تكون حاصلت ........
كامل : حاجة حاجة اية
سامح : عيالة ولااد اخويا اكيد معرفش يربيهم اكيد طلعوا زية فاقد الشىء لا يعطية لاازم الحقهم دة واجبى وربنا يقدرنى .......

........تقفل الستار.......................................
تفتح الستار على منزل شريف اخو سامح
الام بدور : انت ياولة ولا يا شفيع
شفيع : اية اية فية اية انتى كل شوية تندهى افصلى باة
بدور : افصل . اما نت شبة ابوك صحيح كدة ماشى انا باة هقول لبابا لما يجى
شفيع : بابا . دة بابا هينبسط قوى لما يعرف ان انا ضايقتك اصلة مابعرفش يضايقك هة هة هة
بدور : تتك نيلة نستنى انا كنت عايزاك فى اية اة انت كنت فين امبارح يا ولة انت راجع وش الفجر واختك هى كمان راحت فين دلوقتى واخوك الصغير راح الدرس ولا لاء يا خرابى على البيت والى فية انا خلااص خلااص يا رب مش قدرة استحمل . الاب طول النهار فى الشغل والعيال كل واحد فى حتة احنا عمرنا عمرنا متلمينا على سفرة واحدة وكلنا مع بعض الا كل واحد فى معاد كل واحد لوحدة عمرك مجيت حكتلى على مشكلة حصلتلك كل واحد شغال بمزاجة , واللّى امر من كدة عمرى مشفتك رحت الكنيسى اية انتو مش مسيحيين بس انتو ملكوش زنب الذنب عليا انا وابوكم
شفيع : اية ايةاية . هى مسورة مية وضربت حريقة ومسكت عربية وخبطت اية حصل اية يعنى لدة كلة كل دة علشان رجعت متاخر امبارح
الام : لاء كل دة علشان فوقت فوقت وتعبت انا هتحاسب عليكم فوق. قدام ربنا تعرف على الكاهن وقصتة مع ولاادة
شفيع : لاء... اعرف على بتاع الفول
الام : اتريق اتريق قوى كمان انا هروح دلوقتى على ابونا احكيلة على الى بيحصل وهو هيشوفلى حل
شفيع : ابونا هيشوف . اية هو فتح
الام : ربنا يسامحك يا شفيع يا ابنى عن اذنك يا متربى انا ماشية
شفيع : راحة فين خدى بس
الام : (بعد متخرج ترجع ثانى) اسمها راحة فين يا ماما يا .متربى ( وهى تبكى)

كويس انها مشيت دلوقتى لما الحق الف السيجارة دى
يبداء فى لف السيجارة ( يرن جرس الباب ) خبر اسود احسن تكون امى اخبيها فين يضعها فى الزهرية بعد ان يكون قد ولعها واخذ نفس منها
يفتح الباب
شفيع : مين عمى (بارتباك ) اهلا اهلا يا عمى اية الزيارة المفاجاة دى
سامح : مالك يالة مش على بعضك لية
شفيع : لاء منا كويس اة مفيش حاجة
سامح امال فين ابوك
شفيع : ابويا فى الشغل منتى عارف
سامح : عارف اية انهاردة الاحد هو هيشتغل بمزاجة ماشى . اية ريحة الشياط دى
شفيع : شياط شياط اية اة اصلةى كنت بقلى بيض وظبط الطاسة قصدى حرقت الطاسة
سامح : لاء يا فالح دا انت حرقت الزهرية اية دى يا شفيع (يمسك بالسيجارة)
(يدخل شريف فجاة من الباب دون ان يحس بية احد ويراة شفيع فقط)
شفيع : اية دا يا عمى انت بقيت بتشرب سجاير لالا السجاير مضرة بالصحة
سامح :انت هتستهبل يالة
شفيع : اية يعمى مش معقول الى انت بتعملة دة انا اشرب سجاير دا كان بابا يموتنى وانت كمان يا عمى لازم تبطلها انا هاسعدك
سامح : اسمعنى بس ...
شريف : هيسمع اية تانى (بصوت مرتفع )
سامح : انت جيت امتى
شريف : جيت علشان اشوف الخيبة جاى تبوظ عيالى جاى علشان تضمرنى طبعا متضايق انى ولادى كويسين ومتفوقين . دخل الحقد فى قلبك صورلك انك ممكن تضمر عيالى علشان تثبتلى انى مش عارف اربيهم لكن ربنا كشفك وبينك على حقيقتك انت من النهاردة مش اخويا ولا اعرفك
سامح : شريف اسمعنى انا عرفت كل حاجة وجيت علشان ابنى مش اهدم انت لازم تسمعنى
شريف : انا مش هسمع غير نفسى والى شوفتة بعينى
سامح : انت مشفتش حاجة ولا تعرف حاجة ابنك دة انا مطلعة امبارح من القسم
بتهمة تعاطى المخدرات وجيت دلوقتى لقيتة مولع السيجارة وبيشربها
شريف : لاء يا استاذ انت الى كنت مولع السيجارة وعاوزة يشرب معاك صح يا يا واد
شفيع : صح يا بابا
سامح : باة كدة ماشى يا شريف يا اخويا انا كنت عاوز اعمل خير لكن انت معزور مثيلك فى يوم هتعرف الحقيقة (يخرج مسرعا )
تعود الام ومعها الكاهن الاعمى ..........
اتفضل اتفضل يا ابونا
شريف : ابونا اتفضل يا ابونا .. فية ايةيا بدور تعبة ابونا لية انت مش عارفة انة تعبان دة كلاام يا بدور
ابونا : انا مش تعبان يا ابنى انت الى تعبان
شريف : انا مش تعبان يا ابونا انا زى الفل ومية مية
ابونا : مش انت الى بتحدد يا ابنى ربنا هو الى شايف
الام : ابونا شوفلى حل يا ابونا ولادى هيضيعوا منى , والسبب فى دة كلة ابوهم
شريف : انا جايبلهم كل حاجة مش حارمهم من حاجة مدخلهم احسن مدارس ملبسهم احسن لبس سايبهم على حريتهم اعمل اية تانى
ابونا تعمل اللى اى اب بيعملة يا ابنى تعلم ولادك تعاليم ربنا عيشهم عيشة القداسة بيتك يبقى كنيسة لولادك تقعد تصلى معاهم تسمعهم ويسمعوك تعمل خير قدامهم انت قدوة ليهم . لكن انت يا ابنى سامحنى يعنى مش بتعمل حاجة من الحجات دى خالص ربنا بيقول يا ابنى كن امينا الى الموت وساعطيك اكليل الحياة .
شريف : بقول اية يا ابونا نورت وشرفت خد ايدة ياد شفيع ونزلة تحت وركبة العربية ووصلة لحد الكنيسة وبالمرة خش صلى . اية رئيك باة يا ابونا اظن كدة عدنى العيب
ابونا : صح يا ابنى انت عديت العيب عن اذنكم
شفيع : تعالى يا ابونا تعالى انت اية بس اللى خالك تيجى دول ناس وحشين ..ويخرج ليوصلة
شريف : ينظر الى مراتة : .. انتى عاوزة تفضحنى قدام الناس قلتى لابونااية
الام " : قلتلة علة على كل حاجة كل حاجة . كل الى انت بتعملة فية وفى اخوك
وفى كل الى تعرفهم السرقة الى انت بتسرقها والنصب والمخدرات الى بدخلها البلد باسم اخوك الغلبان اللى مأمن ليك وسايبلك مالة علشان تتحكم فية بس يا خسارة حاميها حراميها
شريف: اخرسى ( ويضربها بالالم ) دة حقى انا ابويا ادالة كل حاجة صرف علية لحد متعلم سفرة برة كان بيحبة اكتر منى كان بيفرق بينى ويينة هو دة حقى
بدور : لاء انت غلطان ابوك زى مادالك ادى لخوك بس انت الى طماع اخوك عرف ازاى يتاجر فى عطايا ابوة لية لكن انت عرفت ازاى تدفن عطايا ابوك ابوك ادالك ارض فى الصحراء تقدر تقولى عملت فيها اية اقولك انا زرعتها مخدرات
ادالك فلوس فى البنك زى اخوك رحت لعبت قمار
شريف : لاء هو خد اكتر منى وانا لازم ارجع حقى ... دة راح جاب واحدة من الشارع وهيخليها بنتة وهيكتبلها كل حاجة ونطلع احنا بلوشى لاء دة مش ممكن يحصل ابدا انتى فاهمة انا لازم ارجع حقى
بدور : مش ترجع نفسك الاول عيالك هيضيعوا منك
شريف : انا عيالى كويسين انتى بس الى مش واخدة بالك
عن اذنك
بدور: رايح فين .....
رايح اجيب حقى ,
بدور : شريف شريف ........... ارجع يا شريف ارجع

(تجلس وهى تبكى ) يرن الجرس بسرعة
تفتح الباب
دة منزل الاستاذ شريف
الام : ايوة فية اية
الظابط : انتى عندك بنت اسمها سها
الام : ايوة عندى فية اية اتكلم
الظابط : بنتك ممسوكة فى القسم ومتهمة بسرقة مجوهرات من احد المنازل
الام : مش ممكن مش معقول انت اكيد غلطان
الظابط : انتو تسيبوا عيالكم وبعدين تقولو غلطانين لاء مش غلطانين بنتك فى القسم جيبلها محامى قبل متتعرض على النيابة بكرة الصبح عن اذنك

الام : اة .........تبكى اعمل دلوقتى البيت فاضى عليا الاب يبدور ازاى ياكل حق اخوة والعيال كمان بيعملوا زى ابوهم اة اة اة انا السبب انا السبب انا السبب
تقفل .......................الستارة
تفتح الستار على منزل سامح
يجلس سامح ومعة ايرنى
ايرنى : شفت يا بابا الصليب الى ماما ادتهولى
سامح : الله دة صليب جميل خالص
ايرنى : ماما بتقول ان الصليب دة ممكن يحمينى من اى حاجة
سامح : طبعا الصليب دة لية قوة جبارة مش ممكن حد يتخيلها
ايرنى : بس اكيد ربنا اتعذب كتير قوى علشانا صح
سامح : طبعا يا حبيتى ربنا اتعذب علشانا كتير
ايرنى : طيب لية هو الى اتعذب مش حد تانى
سامح : مينفعش حد تانى (لان اى حد هيكون محدود والخطية غير محدودة فلازم الى يتعذب ويتصلب انسان غير محدود فربنا اتجسد فى صورة انسان ومشى على الارض زينا واتعذب مكنا وغلب الموت وكسر الشيطان وبقى الصليب دة بدل مكان عار بقى رمز الفخر والعزة والكرامة لينا كلنا
ايرنى : انا مش هشيل الصليب دة من على صدرى ابدا واى حاجة بعملة هقول باسم الصليب
سامح شاطرة يا ايرنى . روحى باة صلى مع ماما فى الاوضة بتعتها
ايرنى : حاضر يا بابا

يرن جرس التليفون
سامح : الو . اية انا جاى حالا
سامح : الو استاذ كامل ارجوك حصلنى على قسم المعادى بسرعى لاء ماسكين بنت اخويا هناك ومتهمينها بسرقة
مش وقتة الكلام دة . انا عارف الى هيعملة بس دى بنت اخويا يعنى من لحمى ودمى ( لا تقابل الشر بالشر يا اخى ) يالة حصلنى بسرعة
يخرج مسرعا

يدخل شريف : يندة سامح سامح
تاتى دادا فهيمة : ايوة يا بية
شريف : امال فين سامح اخويا
فهيمة دا خرج جالة تليفون مهم وخرج جرى
شريف : طيب امشى انجرى اعمليلى فنجان قهوة يالة
شريف : يكلم نفسة : انا لازم اعمل الى فى دماغى لازم
تدخل ايرنى : اية يا عموا انت بتكلم نفسك ولا اية
شريف : اهلا يا امورة
ايرنى : مش انت بردة اسمك شريف
شريف : لاء . اسمى شريف بية
ايرنى : يعنى اية بية اسم ابوك بية
شريف : بقولك اية يا بت انتى انا مش ناقصك امشى انجرى من قدامى بدل ولا بلاش
ايرنى : انت لية مش لابس صليب
شريف : انت لية حشرية
ايرنى : انت مش عارف قوة الصليب اد اية دا بابا قالى ان الصليب لية قوة كبيرة قوى للى عندة ايمان .... مش عندك ايمان
شريف : لاء ولله معنديش ايمان ( عندى سها ) هة هة
ايرنى : انت مش زى بابا سامح خالص انت مش طيب
شريف  (يمسكها بقوة ) اسمعى يا بت انتى سامح دة مش ابوكى ولا انتى بنتة انتى حتة بت لاقى فى الشارع وشوية وهيرميكى تانى فى الشارع انتى لازم تعرفى كدة كويس سامح جابك يلعب بيكى شوية ولما يذهق من دور الاب الى بيلعبة هيرميكى تانى زى مجابك انتى فاهمة ولا اول تانى
ايرنى : لاء لاء انت كداب انا مش هصدقك انت مش طيب انا هقول لبابا يسوع عليك بابا يسوع هيزعقلك تبكى وتجرى من امامة
شريف :انا كدة احترت اعمل الى فى دماغى ولا اية
انا (يقوم ويراقب المنزل يلاحظ الخزنة الخاصة بسامح ) انا كدة عرفت انا هعمل اية
مرثا : هتعمل اية يا شريف
شريف : اهلا يلا مراة اخويا
مرثا : اهلا جيت لية انت مش خلاص مش عاوز تعرفنا
شريف : اة هو سامح حكاليك انا مش قصدى وبعدين يا ستى دى كانت لحظة شيطان وعدت
مرثا : الشيطان واقف قدامى اهه ولازم يمشى
شريف : انتى لعبتيها صح سامح اخويا مبيخلفش امتى اتبنتى بت علشان يكتبلها كل حاجة واطلع انا بلوشى صح لكن لاء انا مش هسكت
مرثا : انت ايه كل تفكيرك فى الفلوس وبس انت مش ممكن تبقى انسان
شريف : لية علشان عاوز ارجع حقى ابقى مش انسان
مرثا : شوف انت بتعمل اية واخوك بيعمل معاك اية بتقابل الخير بالشر لية اصحى باة وفوق
شريف : انا عاوز ابقى فوق .. عاوز اعيش زى منتو عايشين اشمعنى انتوا
مرثا : يعنى لو معاك فلوس كتير هتبقى مبسوط هتبقى سعيد
شريف : طبعا هبقى سعيد وابراهيم كمان هههه
مرثا : الى زيك عمرة مابيشبع ابدا هتكون علطول عاوز عمرك متدى ولايد الى تاخد عمرها متدى علشان كدة انت الى هتضمر نفسك بنفسك
شريف : حسبى على كلامك
مرثا : يا اخى خليك شريف ولو مرة واحدة فى حياتك عمال تنهب وتسرق فى مال اخوك وانا عارفة وساكتة واول بكرة هينصلح حالة لكن مفيش فايدة لازم اخوك يعرف الى انت بتعملة
شريف : يعرف ميعرفش خلاص النهاية قربت هه هه ههه هه هه ويخرج ...................
تدخل ايرنى : معلش يا ماما
مرثا : ايرنى انا راحة مشوار مهم خليكى هنا وانا جاية بسرعى
ايرنى حاضر يا ماما
تخرج مرثا ..........................
ايرنى : تصلى : يابابا يسوع خليك مع بابا وماما هما طيبين قوى وبيحبونى وبيسمعوا كلامك كمان بس عموا شريف دة مش حلو ومش كويس بس انت يا رب ممكن تخلية كويس مش كدة... فاكر يارب القطة الى كانت بتقعد معايا علطول فى الشارع وفى يوم ضاعت منى ودورت عليها ملئتهاش بس انت يارب رجعتها لية من تانى يارب علشان خطرى يا رب رجع عمو شريف ليك من تانى علشان بابا يبقى مبسوط وميزعلش باسم الاب والابن والروح القدس الاله الواحد امين
لما اخش انام ............... علشان بكرة اروح الكنيسة احسن بكرة فية حفلة فى مدارس الاحد

يدخل سامح ومعة المحامى
سامح : انا مش عارف اشكرك ازاى يا كامل على الى انت عملتة
كامل : تشكرنى على اية : دا واجبى وبعدين انت كل بجد عظيم يا سامح اخوك عمال يحاربك وانت عمال تساعدة حاجة متصدقش
سامح : لية. ربنا كل يوم بيتعذب علشانة كل خطية بنعملها بتساوى شوكة فى راسة يجى اية كل دة قدام حب ربنا لينا وبكرة تشوف ان الحب هو الى هيرجع شريف
كامل : انا شاكك فى كدة شريف اتفق خلاص على صفقة مشبوهة جاية باسمك ولو اتمسكت هتروح انت فيها وانا واقف ومستنى رايك اعمل اعمل اية يا سامح قولى
سامح : مش عارف مش ممكن ابلغ عن اخويا
كامل : الصفقة دى متبلغ عنها عرفت دة من ظابط صاحبى معنى كدة ان انت الى هتروح فيها يا سامح وانا عمرى مهسمح بكدة
سامح: سيبنى افكروهرد عليك
كامل : تفكر فى اية
سامح : حطيت المليون جنية فىالبنك باسم شريف
كامل : ايوة
سامح : فين الوصل
كامل : الوصل اهة ... بس انت من امتى بتاخد منى وصلاات على فلوس بحطها فى البنك
سامح : معلش المرة دى
كامل : طيب فكر واتصل بية انا مستنى منك رد بكرة بعد كدة انا مش مسؤل على الى هيحصلك
سامح : خلاص مع السلامة
يتجة الى الخزنة ويضع الوصل داخل الخزنة
تعود مرثا
سامح : انتى كنت فين
مرثا : كنت كنت . كنت فى القسم
سامح : بتعملى اية
مرثا : مش عارف بعمل اية بنقذك
سامح : لية يا مرثا لية
مرثا : عاوزنى اضحى بيك عاوزنى اعيش من غيرك انت عارف انك اول ميجرالك حاجة اخوك هيعمل اية هيترضنى وياخذ كل حاجة هو عاوز كدة مش هيقدر الى انت عملتة مش هيقدر انك هتسجن مكانةمش هيقدر مش هيعمل بوصيتك الى انت قلتهالة مش هيبقى على حاجة ياسامح
سامح : انا عارف ..... بس دا اخويا وبحبة .
مرثا : وفى حاجة تانية اسمها العدل ولا نسيت
سامح : منستش . بس اكيد فى حل اكيد فى حل ايه هو الحل حلها يارب حلها يا رب حلها يارب
ستارة..........................................


شفاط : اية يا شريف دة جايبنى فى نص الليل لية ما الصباح رباح يا اخى
شريف : اسمع بس . الليل سترة قولى جبت الامانة الى قلتلك عليها
شفاط : ايوة جبتها بس دى حتة غالية
شريف : متغلاش عليا
شفاط : انت هتعمل بيها اية
شريف : انت مالك . انت ليك اكل ولا بحلاءة
شفاط : لاء بحلاءه..ههه قصدى يعنى لو كانت عملية وفيها دم انا اولى اققوم بالعملية وتطلع انت منها
شريف : محدش يقدر يقوم بالعملية دى غيرى يا استاذ
شفاط : انت حر انت عارف انا بحب اخدم وبس من غير مقابل (ويمد يدة )*
يالة مع السلامة ومتورنيش وشك تانى
شريف : يكلم نفسة ( هى دى الطريقة الى هرجع بيها حقى اقتلة واورثة قبل ميكتب فلوسة باسم البيت الى لقاها فى الشارع بقى يبقى بيت ميعرفهاش عنى ماشى

(يقف خلف الستار ابنة ) ويسمع حديثة لنفسة
يخرج شريف ليرتدى ملابسة
ياتى شفيع : معقول يابابا وصلت لدرجة دى تقتل عمى اخوك يا
انا مش ممكن اسيب بابا يعمل كدة انا لازم انقذهم هما الاثنين
اة بس ازاى ازاى وينظر الى المسدس بقوة ويمسكه فى يدة
ستارة ..................................

المشهد الاخير
يدخل شريف وهو يتسحب داخل منزل سامح (معة كشاف ومعة مسدس )*
يتجة ناحية الخزنة ويقوم بفتحها وياخذ الفلوس التى فيها والاوراق المهمة
ينظرخلفة يلاقى سامح
سامح : بتعمل اية يا شريف
شريف : سامح ( باضراب ) ايه باخد حقى
سامح : حقك حق اية
شريف : حقى من ورث ابويا يا سامح
سامح : ابوك ادالك زى ماادانى يا شريف
شريف :لاء ابوك ضحك عليا وانت كمان ضحكت عليا كلكم ضحكتم عليا انا لازم اخد كل حاجة انت لازم تموت انا اشتغلت مع ابوك وكسبتة كتير فى تيجارة وهو باة يشحت الناس ويبعزق على الى يسوة والى مايسواش
وانت كمان طالعلة ،،، انا اولى بكال الفلوس دى
سامح : بس عمرى محرمتك من حاجه انت قولتلى فى يوم عاوز فلوس وانا قلتلك لاء
شريف : كفاية باة انا هفضل اشحت منك لحد امتى حقى هخدة بدراعى وانت لازم تموت وبعدين اطرد مراتك والبت الشورعية دى واعيش انا فى كل دة ههههه يالة مع السلامة يا اخويا ومتخافش عليا انا مرتب كل حاجة بلغت عنك على اساس ان التهريبة بتاعت بكرة دى بتاعتك وان العصابة هى الى قتلتك يعنى هطلع منها زى الشعرة من العجينة
سامح : يا هونت عليك كدة افتكر اى حاجة حلوة عملتهالك
شريف : سامح ( سامحنى يا سامح خلاص معدش ينفع ارجع سامحنى انااسف )
وقبل ضغطة على الزناد ترتمى الطفلة امام سامح وتتقبل الرصاصة
ايرنى : بابا....... بقوة صليب ربنا يسوع المسيح نجينا
شريف : يضغط على الزناد
سامح : لاء(صرخة كبيرة )
لحظة سكون ........................
شريف : مش ممكن .انا مجرم انا مجرم
يمتلىء المسرح بكل من (مرثا , بدور ، شفيع ، كامل ، فهيمة )
سامح : يقوم يمسك ايرنى (ايرنى ايرنى)
لية يا شريف لية انا محرمتكش من اى حاجة تقوم تحرمنى من الحاجة الوحيدة الحلوة فى حياتى بنتى ربنا ادهالى تقوم انت تحرمنى منها خد كل حاجة خد فلوسى خد شركتى خد بيتى خد اى حاجة ورجعلى بنتى تعرف تعرف يا شريف بص فى ايدك شوف انت سرقت ادية وانا كاتبلك فلوس اد اية عاوز فلوس ماشى معاك وصل فية مليون جنية حتطهم باسمك امبارح عاوز تانى حاضر بس رجعلى بنتى
شريف : وصل فية مليون جنية دة مظبوط دة بجد وبتاريخ امبارح يعنى بعد معرفت انى بسرقك يعنى كنت عارف انى بسرقك وساكت لية مقلتليش لية
لية سبتنى اعمل كدة لية ياسامح ...
سامح : ايرنى ايرنى
ايرنى : بابا .....
سامح : ايرنى انتى عايشة عايشة
ايرنى : طبعا عايشة مش انا لبسة الصليب دة وانت قلتلى ان الى عندة ايمان مش بيحصلة حاجة وانا عندى ايمان المهم انى انقذتك
شريف : انا مش مصدق مش مصدق سامحنى يا رب سامحنى يارب سامحنى يارب
سامح : اطمن يا شريف انا كنت متاكد ان ربنا هيرجعك لية انا هفديك ولما هيتحقق معايا هيعرفوا انى برىء بس بردة هيتحكم عليا بس متخفش انا معاك كل الى طلبة منك حاجة واحدة
شريف : اية هية
سامح : ارعى بيتى . اعبد ربى . سامح عدوك . صلى . صوم . افعل صدقة
حط الصليب فى قلبك
( مع المسيح صلبت فأحيا لاانا بل المسيح يحيا فى)غلا20:2

شريف : حاضر يا خويا . ويا ابويا ياكل حاجة فى حياتى
اما انا وبيتى فنعبد الرب
فنعبد الرب
فنعبد الرب
فنعبد الرب


ستارة............... النهاية



بركة هذا العمل تكون معكم يا اخوتى امين


الشخصيات حسب الظهور
1: الشحات :
2: الموظف الغلبان
3: الطفلة الصغيرة ايرنى
4:سامح (الرجل الثرى )
5: مرثا (زوجة سامح الثرى )
6: فهيمة (الدادا او الشغالة )
7:شريف ( اخو سامح )
8: بدور (زوجة شريف )
9:شفيع ( ابن شريف )
10: الكاهن الاعمى
11: الظابط

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fediminscouts.arabepro.com
 
مسرحية صليبك فين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كشافة العدرا وابو السيفين بفيديمين :: مواضيع الكشافة :: اسكتشات مسيحية-
انتقل الى: