مسرحية كونو كاملين

مسرحية كونو كاملين
الشخصيات :
1: فهمى
2: ام زكى
3: زكى
4:ناردين
5: نسمة
6: جدو
7: فادى
8: 3 اشخاص اصحاب زكى
9: المذيع
10: الديانة عدد 2ديانة
11: الراجل الغلبان

مشهد الاول
رجل غلبان : يمر ببطىء ويقول ؟. كل شىء مكتوب كل شىء كلة معلوم الحكاية كبيرة والايام صعبة وحطان الايام طين وولادك بيك مش بيك عايشين استرها يا رب استرها يا رب
ذكى : يدخل ومعة مجموعة من الشباب
الصاحب الاول : هو الراجل دة مين
الصاحب الثانى : مش عارف بايينة بتاع الميلاميين
الصاحب الثالث : بيبيع طين طيب اشتريى لينا شوية يمكن يغلى بعديين
ذكى : سيبك من الراجل دة دلوقتى المهم خد نصيبك اهه
الصاحب الاول : اية دة نصيبى هو دة نصيبى
ذكى : لاء يا راجل هو دة اية بس: خد افتح ايدك ( ويعطية مجموعة من الفكة )
الصاحب الاول : اية دة هو احنا بنشتغل فى مقلة
الصاحب الثانى : حرام عليك يا ذكى انت كدة ظلمتنا
ذكى : حرام خد حلال وراح يجيب عيش
يالة يا حبيبى انت وهو من هنا قبل محد يجى يالة ومش عاوز اشوف وش حد فى فيكم
ويطردهم من الشقة مع بعض الحركات المضحكة
ثم يفتح شنطة مليءة بالفلوس ويخبئها تحت الكنبة
ثم يضرب جرس الباب فيرتبك ويجرى يفتح الباب
فهمى الاب : ادخلو يا عيال ادخلوا يا اية الموصلات دى ساعة ونصف فى مواصلة دا احنا لو كنا مشينا كان زمنا وصلنا ويسلام على الميكروباص اللى ركبناه كل ما حد يقله على جنب ياسطى يقعد يبص حوليه وبعدين يضيرله ويقوله احترم نفسك وفين وفين على ما يفهم وبعدين يقف .وكان يوم مش معدى لما بتاع المرور جاله .
الام : اه صحيح فكرتنى دا الامين دا غريب قوى عمال يقوله انت مش لابس الحزام ليه وهو لابسه دا السواق معصعص ولو مكنش لابس الحزام كان زمان البنطلون فى حته وهو فحته تانيه.
فهمى : لا يا مدام الامين انت سمعتى غلط الامين قصده انه مش لابس الحذاء ودا حرصا على صحه الركاب واللى زات الطينه بله انه قال ايه عايز منه 100 غرامه.
البنت الصغيرة(نسمه): يوووووووووووه هو انا هفضل اعلم فيكم لغايه امتى انا تعبت معاكم وحسه ان مفيش فايده من علامى فيكم ,ياماما يابابا ركزوا شويه الامين قاصده انه مش لابس حزام الامان .
الام : ياسلام يابنتى دا العلم نور بجد
نسمه : ولا كمان يابابا لما ركبتنا اتوبيس 55 راكب 55قاعدين وخمسة على رجل السواق و8على كتف الكمسرى و14 بيجروا ورا الاتوبيس.
الاب : اييييييييه واربعه على كتفى يا بنتى انت نسيتيهم
الام : العيب مش فى الاتوبيس الاتوبيس زى الفل العيب فى الناس اللى جوة الاتوبيس
فهمى : بس مش مهم المهم انى جيبت الجهاز دة دة احسن جهاز موبايل نزل لحد دلوقتى تعرفوا انكم ممكن تشوفو اى حد وانتو بتكلموا انتم عارفين انه فيه اربعه كاميرات ومعايه كاميره خامسه احتياطى بالفلاش بتاعها
ذكى : حمدالله على السلامه ياجماعه انتم لسه ما جتوش
فهمى :ماتركز يابنى وشوف انت بتقول ايه انت اتحولت محنا قدامك اه ولا انت شايف ايه ماتشوفى المحروص ابنك ياام ذكى.
ام ذكى : انا عارفة يا اخويا اهه الخضار بقالوا يومين بربعة جنية ولا السبانخ بستة جنية والعتس باة 13جنية .
فهمى : سبانخ وعتس اية يا ولية انا بكلمك على ابنك تكلمينى على على العتس كتك حساسية وعتس فى وشك
نسمة : الحق يا بابا . الحق يا بابا الحق يا بابا
فهمى : الحق اية يا بت
نسمة : البرنامج الى انت بتحبة معادة جة يالة شغل التلفزيون
فهمى: يشغل التلفزيون (يظهر المذيع ) على شاشة التلفزيون
المذيع : سيداتى انستى سادتى اهلا ومرحبا بكم فى برنامجنا خلف الجدران برنامجنا النهاردة هيكشف عملية سرقة وسطو مسلح قد قام بها ذكى
ذكى : يرتعب ويرتجف امام والدة ويقول والله منا يا بابا
المذيع : يقاطعة طيب وهو انا جبت سرتك ياله
المذيع : قد قام بها بنى ادم ذكى نظم العملية بكل اتقان حيث لا يوجد اى دليل حوله وقد اخذت بعض المعالم الخاصة بالمتهم وهو طويل القامة وشعرة اسمر ويرتدى جذمة بانص حمراء
ذكى : غير غير غير القناة دى يا بابا : ات قناة السويس . شوفلنا كام سفينة عدت النهاردة ولا اقوقلك اخبار البورصة اية
ام زكى : برص اية يا ولة احفظنا يا رب اتى البودرة يا بت لما نرش
فهمى: اقولك هات لينا مولدى تركس واهة التليفون جة يمكن نكسب
نسمه: (090009000)
المذيع : مدينة حمراء اسوارها خضراء سكانها سمر
فهمى : اللو اللو
المذيع : اللووووووو الوووووووووووو ومعانا زبون طازة ( ايوة ياموز الاجابة الاية معاك ثانية واحدة لللاجابة )
فهمى : انا عارف الاجابة انا عارف الاجابة
امذيع : الثانية خلصت اقفلوا علية الخط
فهمى : ادينى فرصة تانية
المذيع : تعبتنى ياعم انت قول بسرعة قبل ما اقفل على صباعك
فهمى : الاجابة ( البطيخة )
نسمة : لايابابا مش البطيخة لا
فهمى : لا يابت دة البطيخ دة لعبتى انا معايا توكيل بطيخ
المذيع : الاجابة : تنتنتنتنتنتنتن ( الاجابة صحيحة ) ( زرغوطة )
نسمة : بقينا اغنيا
المذيع : استاذ فهمى انت كسب معانا الهابرا كادبرا ( عربية ) وجايزتك هتوصل لحد البيت
نسمة : بابا انا عاوزة اركب العربية واروح مسرح البالون عشان امثل هناك .
فهمى : يابت انتى بتعرفى تمثلى
نسمة : ايوة يابابا طبعا دة انا خطيرة
فهمى : طب ورينا حاجة
نسمة : بص يابابا انا همثلك دور واحد امه تعبانة وعاوز يوديها للدكتور وهو ما معهوش فلوس عشات يوديها وكانوا مربيين فرخة فوق السطوح والفرخة دى بتبيض وكان مستنى لما الفرخة تبيض عشان يودى مامته للدكتور .
فهمى : أه وبعدين ... ماودهاش للدكتور
نسمة : مش لما الفرخة تبض
فهمى : بس اخرصى خالص مش عاوزة اسمع صوت اى فرخة هنا
نسمة : خلاص يابابا ماتزعلشى منى خلاص ... انا هركب العربية واروح النايت كلاب عشان ارقص .
فهمى : عشت وشفت ولاادى يطلعوا راقصين دا بدل متطلعى دكتورة ولا حتى مهندسة اخس عليكى الف خساية.بقى بعد ما استحملتك السنين دى كلها ومخبى السر جوه قلبى وساكت انا لازم اقولك الحقيقه وعلى فكره مش موضوع المزيعه هو اللى خلانى افوق لا يابنتى انا فقت بعد ماسمعت ترنيمه المرتله هايدى منتصر ساكت ليه متقوم اتعشى.
البنت الكبيرة(ناردين) (تدخل من الخارج): انا سمعت كلمة عشا دا انا ميته من الجوع انا كنت عاوزة اقولك على موضوع مهم جدا جدا\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
فهمى : موضع موضوع اية : انا مش فاضى انا عاوز اركز فى المسابقة علشان اتصل
البنت الكبيرة : مسابقة اية يا بابا انا جايلى عريس
فهمى: عريس رقمةكام ( ويمسك الموبايل )
البنت الكبيرة : بقولك عريس
فهمى: طيب معاة موبيل
ناردين : اة معاة
فهمى : نوعة اية نوكيا ولا اريكسون انا مش هرضى اقل من n95
ذكى : n95 دة صينى يا بابا انا عاوزين حاجة فرلندى
ناردين : ارحمونى بأة انا تعبت هو انتو كل حاجة عندكم تخدوها بهزار
فهمى: انا بهزرش انا خايف يا بنتى انه يكون بيهنك
نسمة : الحقى يا ماما الحقى بنتك جيها عيس
ام ذكى : عييس عييس اية اية يا بت جلها امتى دة يا بت استرها يارب دة من فصيلة العيرس
ناردين : ارحمونى باة هو مفيش حد فى البيت دة عاقل اتكلم معاة
نسمة : اتكلمى معايا انا ممكن اسمعك اعتبرنى الكيب الحنون
ناردين : انا زهقت على فكرة هو هيجى بكرة الساعى 7 عاوزيين تقابلوا قابلوة مش عايزين خلااص وسبونى اعنس واقعد فى اربيزكم
نسمة : بس الولة يجى بس الولة يجى(تجرى وراء اختها وتسقف )
فهمى: احنا كدة وقعتا فى مشكلة العريس اللى جاى بكرة دة عاوزيين نقابلة مقابلة تانية خالص نبان قدامة ولااد ذوات علشان ميرسمش علينا ولا يتأمر انا هتصرف ولد يا ذكى انا عاوزك كل شوية ترن عليا علشان ابان راجل مهم وكل متكلم فى حاجة زود فيها واوعى تجيب سيرة الديون اللى علينا لبتاع التلفزيون ولادش ولا الموبايل اللى لسة جايبة مفهوم
ذكى : ماشى يا بابا عيب يا جدع انت بتكلم تلميذ ولا اية انا بفهمها وهى طايرة متخفش متخافش متخافش
فهمى: يا ابنى خلااص خلعت كتفى احلفلك انى مش خايف خشوا ناموا دلوقتى والصباح رباح خشوا

تقفل الستار ......................................
المشهد الثانى
الراجل الغلبان : الدنيا كلها غش فى غش والناس كل واحد بوش اوعى تصدقها الدنيا غش فى غش . عاشوها تلاهى سابوها كما هيى دنيا غدارة ملهاش امان شوفوا واضحكوا على جرى سترك يا رب
فهمى : يصحى متاخرا ( يقول الحمد لله العيال كلها نامت لما اتفرج باة على التلفزيون) يقيد التلفزيون يسمع نكتة بصوت مرتفع
واحدة شاورت لتاكسى ركبت جنب السواق السواق سالها تعرفى تسوقى قالتله لا قالها انا دسوقى
ينظر الرجل للتلفزيون ولا يضحك يطل المزيع بدماغة ويقول له انا مش قولت نكته مبتضحكش ليه ؟
فهمى : يقوله انت راجل بارد ادى القناه خالص يظهر له الرجل بعد كدة ويقول اخبار الحوادث يقوله انت تانى يقلب يظهر نفس الرجل يقوله اخبار الرياضة يقوله ارحمنى يقلب تانى يلاقى نفس الرجل يقوله اخبار المرأة يقوم بالطم فيرد المزيع انت بتدور على اية بالظبط وانا اريحك تعبتنى تدخل الام ،،،
الام تقول:- له انت لسه صاحى يا ابو زكى انت بتعمل ؟
فهمى ::دورى يمكن تلاقى دورى يمكن تلاقى
الام :- انت بتكلم مين يا راجل ؟
فهمى :- انا فى واحدة قرفانى كل شوية تقولى غيرمتاح غير متاح
الام :- اخص عليك يا ابو زكى انت بتكلم واحدة من ورايا ؟
فهمى :- لا يا ام زكى سيبك من الموضوع دة دلوقتى اية رايك اتصل ببابا علشان يجى يقابل العريس دة بكرة
الام :- بس انا اخاف ليبوظ الجوازة
فهمى :- لا متخافيش دة بركة كبيرة دة حتى مشفنيش من ايام الثانوية العامة
فهمى: اتي التليفون علشان اكلمة
الام : هتكلمة دلوقتى
فهمى : ايوة هو بينام بس نمرة كام نمرة كام
يدخل زكى انا عارف نمرته يا بابا
فهمى: قول يا ابنى النمرة
زكى : 09005000
فهمى : لية هيا نمرة نمرة مولدى تركس استنى
الو الو الو
الام : اية قالك اية
فهمى: قالى الو
الام : قلوا انت كمان الو
فهمى: ايوة يا بابا باباوحشتنى
جدو : انت مين
فهمى : انا ابنك يا بابا
جدو : انا ابنك مين
فهمى: يابابا اسمعنى بس انا زكى
جدو : طيب هو انا قلتلك انت غبى ياابنى
فهمى: يو ة انا زكى (بصوت مرتفع )
جدو : طيب جبت كام فى الثانوية العامة
فهمى: ثانوية ثانوية اية انا ابنك عاوز اشوفك علشان موضوع مهم جدا تعاللى البيت فى العنوان دة 3شارع ابو طويلة خلااص يا بابا كتبت العنوان
جدو : ايوة يا ابنى كتبتة بس فى حاجة
فهمى: حاجة اية يا بابا
جدو : انت مين
فهمى: يقفل السكة
قومى يا ولية اعملليلى حاجة اكلها عاوز اكل مكلتش بقالى زمن
الام : حاضر انا هاجبلك فطار كونتينتل
فهمى: حلو دة
الام : ايوة
تخرج وتجيب الفطار عبارة عن طبق فارغ با بسكوتة وقطعة صغيرة جدا من الجبن ومعلقة عليها لحسة مربة
فهمى: يمسك الطبق ويقول هو دة الكونتينتل
الام : ايوة
فهمى: واية دة دى كل دى جبنة هنكلها , واية دة كمان (يمسك معلقة المربة )
الام : دى مربة
فهمى: والله بحسبها معجون سنان , انا مش عاوز الكونتينتل دة
الزوجة : امال عاوز تاكل اية
فهمى: انا عاوز اكل فول تينتل
الزوجة : فول انت مش عاوز تبان قدام عريس بنتك انك راجل محترم لاازم تاكل زيهم وتعيش زيهم امال اية
فهمى: هما الناس الاغنية بياكلوا كدة دا على كدة مابيكلوش حاجة خالص
يدخل ابنة ومعة اكل كثير
فهمى: انت رايح فين بالاكل دة يا ولة
زكى : اية يا بابا دا اكل الكلب
فهمى: كل دة للكلب
زكى : ايوة يا بابا
فهمى: يا بختك يا عم , سبونى اكل معاة ,
زكى : انا مش عاوز افطر . انا مليش نفس ويشم اكل الكلب
زكى : بابا ممكن اسالك سؤال رفيع
فهمى: ممكن يا اخويا اتفضل عاوز اية
زكى : انتوا لية عايزيين تغشوا الراجل دة اللى جاى يجوز اختى
فهمى: مين قالك ان احنا هنغشوا احنا بس هنمثل ان احنا عندنا فلوس علشان شكلنا يبقى حلو قدامة
زكى : ولما يجوز ويعرف ان احنا محلتناش حاجة يبقى اية لوضع دلوقتى
ابو زكى : وضع اية يا ولة هو فى حد هيولد
زكى ": اهة انت كدة علطول بدخل الهزار فى الضحك يقوم يقلب بتهريج
فهمى: خش نام يالة . نامت عليك حيطة ، لاء ولا بلااش دة الحديد غلى
زكى : انا داخل وسايبك اتعامل انت باة باى باى ، خد بالك وانت داخل الحمام
فهمى \: لية يا ولة
زكى : اصل الصابون اللى جوة مراوغ حبتين يزحلق ولا حاجة
فهمى: امشى يالة ،،،،، انا داخل انام انا كمان
يفضى المسرح ويطفىء النور ......................
يرن الجرس
نسمة : مين مين مين ،، انا جاية اهه انا جاية اهة ( بتلحين )
احسن يكون عريس اختى اقولة اية اختى راحت الكوافير وبابا راح ياجر البدلة وماما راحت السوق تجيب اكل واخويا خرج مع اصحابة وانا لوحدى اقولة اقولة اية اعمل اية ( تجلس وتترك الباب )
يرن الجرس ( تتطرب البنت ) وتذهب لفتح الباب
جدو : هى هى هى دى شقة ابو طويلة . اية لا لا شقة او رجيلة هى او رجيلة لالا شقة
نسمة : تمسك فى قدمة وتقول ( جدو جدو )
جدو : مين اللى تحت اكيد انتى مرات ابو طويلة
نسمة : ابو طويلة مين ابو طويلة دة اسم الشارع دة بيت ابنك فهمى
جدو : فهمى فهمى يا حبيبى يا فهمى انا خلفت الواد دة امتى انا معرفش حد بالاسم دة يا بنتى
اوعى اوعى لما اقعد استريح الحمد لله على الصحة والقوة اللى ربنا متهلى انتو جيل بايظ جيل بايظ وانتى انتى مين اكيد انتى مرات ابنى صح لسة سفروته زى منتى
نسمة : يووه يا جدو انا نسمة بنت ابنك فهمى
يرن الجرس
تفتح الباب
مساء الخير
نسمة : مساء النور
فادى : يا ترى بابا موجود يا امورة
نسمة : متؤليش يا امورة
فادى : طيب ماما موجودة يا شاطرة
نسمة : متؤليش يا شاطرة
فادى : طيب مشى انجرى اندهيلى على اى حد
نسمة : يعنى انت مين
فادى : انا فادى اللى جاى اتقدم لللانسة ناردين
جدو : مين يا يا نسمة
نسمة : اتفضل اتفضل هما زمنهم جايين حالا
جدو : زكى زكى والله زمان يا زكى يا ومالك نضفت كدة لية اكيد استحميت وفين البلبتوز اللى انا بعتهولك اقعد وحشنى يا زكى
فادى : زكى زكى مين انا مش هو انا مش انا انا مش عارفنى انا قصدى انت مين انا مين
نسمة : باس stop
جدو : اخرسى حصلت تشتمينى
نسمة : يا جدو دة العريس اللى هيتقدم لاختى الاستاذ فادى ودة جدو يا استاذ فادى
جدو : فاضى متيجى تقعد معايا شوية انا بلعب طاولة حلو ويطلع الكوتشينة من جيبة )÷ حتى شوف
فادى : امال بابا فين
يدخل بابا على طول فجاءة
البدلة دى جامدة عليا اى نعم هى بتاعت جودة الجعر بس اهى جميلة ولا اللى بيطلعوا فى التلفيزيون
جدو : تعالى يا ولة
فهمى : يا خبر بابا والعريس فى يوم واحد قشطة
ازيك يا بابا
جدو : ازيك يا يا انت مين
فهمى : انا ابنك ابنك افهم باة
جدو : ايوة ايوة انت ابو طويلة بس فاضل رقم
فهمى : رقم اية
جدو : رقم 3 مش انت 3 شارع ابو طويلة
فهمى : لاء انا ابنك دة العنوان ... معلش يا جماعة اصل بابا بينسى شوية
فادى : يا عمى انا مش هطول عليك ... انا طالب ايد بنتك
جدو : وهى هتستغنى عنها يا ابنى
فهمى : استنى بس يا بابا .. يا استاذ فادى انا معنديش مانع بس مينفعش تاخد امها ويندة لامها .. يا ام زكى يا ام زكى
( تدخل ام زكى ومعها طبق ملىء بالجوافة او البرتقال او التفاح )
ام زكى : انا جاية اهوه
فهمى: على مهلك على مهلك يا عروسة
ام زكى : توقع كل الطبق على العريس ( ويقوم افراد الاسرة بلم الفاكهة من على الارض )
فهمى: معلشى احنا اسفين على الى حصل ده انت كنت بتقول اية عاوز تتجوز مراتى
فادى : لالا يا عمى انا طالب ايد بنتك ناردين
فهمى: بس دى اتقدملها ناس كتير قوى اعاظم الناس اتقدملها وهتندهش واسمحلى اقولك هتندهش كدا فى وسط الكلام هتندهش انها رفضتهم انا حاسس ان انت مندهش اندهشت ولا ما اندهشتش اتقدم لها واحد وكيل نيابة حصل ولا لاء يا ام زكى
ام زكى : ايوة يا خويا حصل حتى الوكيل كان قاعد هنا والنيابة كانت قاعدة هنا وكنا قاعدين مندهشين .
نسمه : بطلوا اندهاش بقى
فهمى: اتقدم لها رجل اعمال : وهى على نغمة واحدة مخدوش يا بابا مخدوش يا بابا
ام زكى : على يدى الراجل قاعد هنا والاعمال قاعدة هنا
تدخل ناردين : (ومعها الشربات ) بابا من غير اندهاش انا موافقة
فهمى: اية يا بت هو انا سالتك وبعدين مش كدة قدام الناس
وبعدين انا لاازم اسأل عنة الاول
جدو : لن اقبل .( هههههههههههه) لن اقبل ( هههههههههههه)
فهمى: يا بابا اهدا بس
جدو : لن اقبل (هههههههههه)
فهمى: يمسكة ( اركن بس فى حتة طراوه احسن تاخد برد ) وخد بالك من الكمين لحسن الظابط يمسكك
جدو : متخافش يا ابنى انا لابس الحزام
زكى : احنا نشغل التلفزيون
المذيع : اليكم اخر الانباء
وصلنا الان قانون المرور الجديد ( قانون نفخ )
النفخة الاولى - عدم ارتداء حزام الامان مائة جنيها
النفخة الثانية - استخدام المحمول مائة جنيها يعنى اعمل حسابك ان انت تكانسل
فهمى: هو ما فيش نفخة بخمسين
المذيع : هتتنفخ هتتنفخ
النفخة الثالثة : افعال مخلة بالاداب ثلثمائة جنيها يعنى مش هتديها حاجة
ام زكى : وطى التلفزيون يازكى
فهمى : الا قولى يابنى انت شغال اية
فادى : انا جواهرجى انا عندى اربع محلات .
( يرن موبايل فادى وهويقول الو ....انا اتسرقت .... وما عرفتوش مين اللى سرقنى ...اوك طيب يربنا يعوض
ابو زكى : معقول اللى بيحصل دا هى الدنيا حصل فيها اية
ابو زكى : احب اعرفك يابنى ان احنا بنشترى راجل واحنا مش هنتقل عليك خالص كل اللى عاوزينة ( شقة خمس اوض وصالة وحمام سباحة – تلفزيون 75 بوصة عشان تحس ان انت فى حضن اللعيب – عربية مرسيدس ماركة تويوتا عائلية عشان بحب اقعد فى الكنبة اللى ورا – اما الشبكة دى حاجة انت اللى تقدرها بس انا مش هقبل اقل من 70 الف جنيه
اظن كدا احنا ما تقلناش عليك .. مش كدا يابابا
ام زكى : انت متساهل قوى يابو زكى دى ناردين دى ناردين غالى التمن
نسمة : ناردين ناردين وحياة ابوكى تبقى تركبينى جنبك فى العربية عشان اغيظ العيال اللى فى الشارع واعملهم كداا ( وتشاور باديها )
المذيع : حبايبى المشاهدين معنا ومعكم برنامج ليلة العمر وانا بسمية برنامج غلطة العمر احب اعرفكم ان الزواج مشروع فاشل وانصح كل الرجال ان هم يتعلموا من غلطات غيرهم ( واخدة بالك يام زكى )
ام زكى : واخدة ياخويا واخدة
فهمى: انا مش قلت وطى التلفزيون
المذيع : انا ما بوطيش لحد
المذيع : اليكم اخر الاخبار وصل عدد وفيات الزواج من الرجال حوالى 70 مليون نسمة وزادت عدد وفيات النساء من المتزوجين الى 2 نسمة ويتضح من ذلك ان عمر النساء طوييييييييييييييييييييل .فاصل ونواصل
جدو : لنا اقبل ههههههههههه لن اقبل ههههههههههههه
فادى : مش شايف ياعمى ان الطلبات دى كبيرة انت مبالغ قوى
ناردين : فادى اكيد بابا بيهظر انا عن نفسى مش عاوزة منك اى حاجة اهم حاجة ان يكون ربنا فى وسطينا ويباركنا
جدو :ههههه ..
يرن الجرس ( افتح يا فهمى افتح يا فهمى انا عارف انك جوة )
الديانة : استاذ فهمى انا عاوز قسط الثلاجة هو انت تسقع واحنا نفلس
فهمى : انا هخرجلهم اكيد هما غلطانين فى العنوان عن اذنكم يا جماعة البيت بيتكم
يخرج لهم
ام زكى : انا كمان هقوم اعملكم حاجة تشربوها
زكى : اما انا بقة هقعد علشان اشرب الحاجة اللى هاجليكم ولا اقولكم انا همشى علشان تقعدو مع بعض شوية ( يالة ياعم ماشية معاك )
فادى : عاجبك اللى ابوكى اقالة دة انا اجيب دة كلة منين وبعدين يعنى هو بيتشرط كدة لية بامرة اية
ناردين : اهدا بس انا عارفة بابا يطلع يطلع وينزل على الفاضى
هو بس عاوز يعرفك ان انا مش رمية ولا بايرة
فادى : منتى كدة هتبقى بايرة على العموم السمك بيعوم
ناردين : اية
نسمة : فادى فادى انا عايزة منك طلب
فادى : طلب طلب اية
نسمة : عايزة الموبايل بتاعك
فادى : ما ابوكى اهة مستودع موبيلاات خدية منة
نسمة : لاء انا عايزة بتاعك انت
فادى : خدى يا ستى وامشى باة من هنا خلينى اقول الكلمتين وامشى
جدو : ولد يافادى
فادى : يا نهار اسود هو انت صحيت
جدو : انا ما بنمش يا ولد انا صاحى وشايف كل حاجة انا اللى بلغت عن عرابى
فادى : بلغت عن مين
جدو : عن عرابى علشان مرديش يدينى الحصان
وثورة 19 انا اللى قمت بيها
فادى : ازاى يعنى
جدو : كنت ماشى فى الشارع وبعدين رحت اشرب عصير لقيت بتاع العصير قافل رحت لواحد تانى لقيت 18 واحد واقفين قالولى تعالى معانا علشان نبقى 19 وقامت الثورة
فادى : شفتى دة مش ابوكى بس اللى بيخرف دى العيلة كلها لسعة
ناردين : انا معرفاك ان جدو تعبان وعندة زهايمر صح ولا انا كدبت عليك
فادى : لاء ماكدبتيش عليا فى دى بس هى دى كل حاجة ولا فى مفاجات تانية
ناردين : بظروفها انا اللى بفتكرة بقولة على طول
فادى : يا خوفى طيب شغلى التلفيزيون بدل محنا قاعديين كدة عملين زى اللى مستنين يحلقوا
يدخل فهمى : ويكون متبهدل وهدومة مقطعة ومن غير كم فى ايدة
ناردين : اية دة يا بابا اية اللى عمل فيك كدة
فهمى : الناس اللى كانو هنا حاولت اقولهم انى مش انا محدش صدقنى
جدو : تعالى تعالى يا ابنى تعالى على جنب حمو انت ( وينام )
يرن التليفون بتاع فهمى (ابو زكى )
الو الو ايوة معقول ازيك يا ريس دة شرف كبير يا ريس طبعا عنيا حاضر عاوز وسطة علشان ابنك عاوز تدخلة الحربية حاضر عنيا الاثنين مع السلامة
فادى : ريس ريس مين انت بتلم مين يا عمى
فهمى : رئيس المدينة هيكون مين يعنى
فادى : طيب يا عمى علشان انا قاعد بقالى زمن هنا وانت مردتيش عليا قلت اية
فهمى :: انا مش هطول عليك وبردة مش هكدب عليك انا بنتى لازم تعيش فى المستوى اللى انا معيشه فية تجيب الطلبلت اللى انا قلتهالك ابقى موافق
فادى : دة اخر كلاام عندك
جدو : لاء يا ابنى
فهمى : استنى يا بابا
جرس الباب
تاتى نسمة لتفتح
يدخل الديانة بالعافية
الراجل الاول : انا عاوز فلوسى يا استاذ فهمى
فهمى : احنا قلنا اية مش دلوقتى ( ويغمس بعنية )
الراجل الثانى : لاء دلوقتى وانا مش هتعتع من هنا الا متجيب الفلوس
فادى : هو علية كام يا عم انت
الراجل الاول : علية اربعة الاف جنية
الراجل الثانى : علية ستة الاف جنية
فادى : ستة الاف جنيه واربع الاف جنيه يعنى عشرة الاف جنية يغنى مش معاك عشرة الاف جنيه تدفعهم للديانة ...امال طالب منى 70 الف جنيه شبكة لية ..
فهمى : استنوا عليا شوية انا هبقى غنى وهسدد كل الديون اللى عليا انا كسب عربية هبيعها واسدد الفلوس اللى عليا .
يرن الجرس ويدخل المذيع
حضرتك استاذ عارف قصدى فاهم قصدى قول معايااااااااا
فهمى : ايوة ايوة انا شوفتك فى التلفزيون انت المذيع
المذيع : ما فيش حاجة بتستخبى فى الزمن الاحمر دة
المذيع : احب اعرفك ان انت كسبت معانا عربية
فهمى : مش قولتلكم العربية جاية احمدك يارب ..... هى فين العربية اكيد تحت .
المذيع : لا مش تحت
فهمى : امال فى الجراج
المذيع : لا مش فى الجراج
فهمى : امال فين
المذيع : العربيةةةةةةةةةةةة اهيه اربعة راكب كدا تنور كدا تنوا كدا تبطل كدا تنكسر
فهمى : هى دى العربية هى دى هههههههههههههه
المذيع : الف مبروك يافندم فين حلاوتى بقى ما عندكوش جبنة بالمربى
فهمى : انا هديك حلاوتك ( ويحدفة بالحزاء )
المذيع : لية كدا يافندم انا نسيت حاجة
فهمى : نسيت اية نسيت اية حرقت دمى منك للة شلتنى
المذيع : خد يافندم اطمن انا عارف انت زعلان لية عشان مش عارف تمشيها خد حط الحجارة دى هتمشى على طول .
فهمى : انا همشيك انت ( ويجرى وراه )
الديانة : ملناش دعوة بدا كله احنا عايزين فلوسنا (_يمسكوة )
نسمة : انتوا عاوزين فلوسكم انا هجبلكم فلوسكم انا هسدد ديونك يابابا انا كنت عاملة حساب اليوم دة عشان كدا الفلوس اهة ثانية واحدة .
تذهب الطفلة تحت الكنبة وتحضر 150 قرش وشنطة سمراء
ذكى : انتى بتعملى اية بتدورى على اية استنى
ويشد الشنطة منها تنفتح الشنطة وتظهر المسروقات مجوهرات فادى
ناردين : اية دة هى الحاجات دى جت هنا ازاى معقول يانسمة تسرقى سرقتى الحاجات دى منين .
نسمة : والله دول جنية ونص كانوا تحت مخدة بابا وانا خدتهم خبيتهم عشان ينفعونا فى وقت زنقة
ام زكى : جنية ونص اية ياهبلة انا بتكلم على الشنطة السودا دى جبتيها منين
نسمة : انا ما اعرفشى انا اول مرة اشوفها
الديانة : احنا ما لناش دعوة بدا كله احنا عاوزين فلوسنا هاتولنا الفلوس دى
فادى : عندك انت وهو فلوسكم عندى هتوصلكم لحد عندكم
الديانة : ولو ما وصلتشى
فادى : ابقوا اعملوا اللى انتوا عاوزينه
الديانة : على العموم الراجل بيتربط من لسانة
ثم يخرجوا
ام زكى : انا عاوزة اعرف الحاجات دى جت منين
زكى : زكى انا هقولك جت منين عاوزة تعرفى انا هقولك
الحاجات دى الحاجات دى بقى انا انا انا سرقتها .
فهمى : ابنى انا يسرق لية
زكى : عشان ما تتسجنش عشان انت مضيع فلوسك على حاجات تافهة وما عملتش حساب للزمن كل همك المنظرة والمسابقات والحاجات دى كنت اسيبك تتسجن
فهمى : لا يابنى بس كنت فوقنى كنت نبهنى انا كنت بحسبك مستهتر وضارب الدنيا ميت صرمة بس انا فرحان انك فكرت فيا بس يا خسارة انت فكرت فيا غلط حلتها غلطت مش بالسرقة يا ابنى ... الحاجات دى لاازم ترجع لصحابها
ام زكى : مهو لو رجعها هيمسكوة ويحبسوة ويقولوا علية حرامى
فادى : ورينى الحاجات دى كدة
( ينظر الى الشنطة ويقول مش معقول الحاجات دى بتاعتى الحاجات دى اللى اتسرقت من عندى بس ما تخافوش انا مسامحة طالما الحاجات دى رجعتلى ..بس انا عوز اعرفكم حاجة انا ياعمى ماكنتش جاى طمعان فيك انا جاى متمسك باخلاق بنتك وادبها وعمرى ما فكرت فى موضوع الفوس دة ....وانت يازكى اللى انت عملته دة غلط حتى لو ابوك محتاج وعلية ديون السرقة ما لهاش مبرر دا كله عشان انت بعيد عن ربنا لو انت قريب من ربنا كنت عرف الاية اللى بتقول لاتسرق وكنت تسيب حمولك على ربنا وهو يحلها .
ناردين : انا ما استهلكشى يافادى وما استاهلشى كل اللى بتعملة دة
انااااااااااااااا
فادى : ما تكمليش انتى مالكيش ذنب فى كل اللى حصل وبرغم من كدا انا متمسك بيكى
فهمى : ياااااااااااااااااه اد اية انا كنت غلطان كنت موهوم كنت عايش ميت موت الغفلة كنت بدور على المكسب السريع على الشىء السهل اللى من غير تعب ونسيت كلام ربنا اللى بيقول بعرق جبينك تاكل خبزك انا اكيد كنت عايش فى وهم انا كان لازم اشتغل واتعب عشان ربنا يدينى على قد تعبى لكن دلوقتى خلاص انا سيبت حمولى عليك يارب وانا عارف ان انت هتقف جنبى انا متاكد انك هتغيرنى غيرنى يارب توبنى يارب توبنى يارب توبنى يارب .
(ترنيمة - )
ام زكى : خلاص يابو زكى ما تزعلشى نفسك واكيد طالما هنبتدى من جديد ربنا هيقف معانا .
جدو : لن اقبل ههههههههههه لن اقبل هههههههههه
نسمة : خلاص بقينا فقرا ياماما هاتوا الجنية ونص بتاعى
زكى : لا ما بقناش فقرا احنا اغنيا بوجود ربنا فى وسطينا وربنا عمرة ما ينسى حد .
ناردين : صح يازكى اول مرة تقول حاجة صح
فادى : طيب ياعمى استاذنكم علشان اجيب بابا وماما ونحدد ميعاد الخطوبة :
فهمى : ماشى ياحبيبى مع السلامة
نسمة : اية الغم دة انا هشغل التلفزيون
المذيع : لو انت من مواليد برج الطور سوف يدق الحظ على بابك نقود فى الطريق اليك
( يدق الباب )
فهمى : فلوس ( يدق الباب ) فلوس ( يدق الباب )فلوس كمان ( يدق الباب )هودى الفلوس دى كلها فين
يفتح الباب
يدخل المذيع ( فهمى : هو انت )
المذيع : ايوة انا نسيت اديك حاجة
فهمى : حاجة . حاجة اية اتفضل اتفضل
المذيع : يعنى بصراحة انا مكسوف منك اوى انا مش عارف اقولك اية ازى انسى حاجة زى دى
فهمى : انا مقدر مش مشكلة هات بس هات
المذيع : انا نسيت اديك ريموت اعربية
ويجرى وراه
المذيع انا هبطل شغل تانى انا هبيع عيش يلا عيش
النهاية

» مسرحية كن أمينا كل حين
» مسرحية مين هيمثل...؟؟
» مسرحية صليبك فين
» مسرحية خطايا وعطايا
» مسرحية محاكمة إبليس