مسرحيه المحبه لا تسقط ابدا

مسرحيه المحبه لا تسقط ابدا
بيتر: يدخل على المسرح ( كان فيه عنقود عنب طلع من غير اوان خدة راهب من الرهبان وادة لرئيس الدير)

مينا: ههههههههه.. ايه الصوت الوحش دة

بيتر: انا صوتى وحش طيب يا عم معلش
مينا : وبعدين ايه الترنيمه اللى انت بتقولها دى كان فيه عنقود عنب
بيتر : ايوة دى ترنيمه جميله خالص
مينا: يسلام بامارة ايه باة ايه يعنى لما عنقود عنب يطلع شيطانى كدة عادى خالص
بيتر : ممكن تكون حاجه عاديه لكن اللى مش عادى اللى عامله الراهب بالعنقود
مينا : يترا .... عمل ايه يعنى اكيد كله اكيد كان لذيذ وطعمه حلو يا بخته
بيتر : لا طبعا معملش كدة
مينا : امال عمل ايه ... اةاة قصدك غسله الاول يعنى علشان ينطف عادى
بيتر : غسل ايه انت بتفكر ازاى ... الراهب دة خد العنقود وراح لراهب تانى كبير فى السن علشان يا اكله هو
مينا : اة وبعدين اكيد فرح بيه قوى وكله باة يا بخته
بيتر : لاء يا فالح معملش كدة الراهب الكبير قاله انا مستحقهوش فيه واحد تانى غيرى يستحقه اكتر منى تعالى ندهوله
مينا : ايه دة هو مفيش حد هياكل العنقود دة ولا ايه دة شكله حلو قوى
بيتر : يا مينا الترنيمه دى بتبين لينا اد ايه المحبه اللى كانت بين الرهبان وبعضيها
مينا : يعنى ايه محبه ... انا مش فاهم
بيتر : معقول فى حد فى الدنيا مش يعرف يعنى ايه محبه
مينا : لاء عارفها بس يعنى
بيتر : المحبه دى هى اساس الحياة .. ربنا قالنا المحبه لا تسقط ابدا .. وكمان حبو بعضكم بعضا كما احببتكم
مينا :ايوة ايوة ... فاهم فاهم
بيتر : فاهم ايه تقدر تقولى ربنا حبنا ازاى ؟
حد فيكم يقدر يقولى ربنا حبنا ازاى ؟
مينا : ايوة لما لما ..... مش عارف قولى انت !!!!!!
بيتر : معقول ! انا اقولك ربنا نزل من السما علشانا مشى كانسان زينا اتعذب واتصلب من اجلنا فدانا كلنا يبقى بيحبنا ولا
مينا : بيحبنا بيحبنا معقول ربنا عمل دة كله علشانا احنا وإحنا مش عارفين نحب بعض
بيتر : شوفت باة
مينا : انت عارف انا كنت جاى النهاردة ليه
بيتر : ليه
مينا : علشان انا زعلت مع اخويا واصحابى كمان واتخنقت معاهم
بيتر : يا خبر ليه دة كله ..

مينا : علشان كدة وخلاص
بيتر: لاء . اللى انت عملته دة غلط انت فاكر لما كنت عيان وفى المستشفى مين سهر جنبك واتبرعلك بدمه
مينا : اخويا واصحابه كمان...
بيتر: طيب يبقى كدة هما بيحبوك ولا بيكرهوك
مينا: بيحبونى ... بس
بيتر : مفيش بس . هما كدة عملوا اللى عليهم فاضل انت باة

مينا : انا ايه ؟
بيتر : فاضل انت باة تحبهم وتستحملهم زى مهما استحملوك
كل واحد مننا له عيب وله ميزة ولازم نحب كل الناس علشان الناس كلها تحبنا
مينا : بس فى ناس بضايقنى كتير وانا بزعل منهم
بيتر : اكيد فى ناس ممكن تضايقنا بس احنا ممكن نخليهم كويسين لما نعاملهم كويس هما هيحبونا وبعدين نقدر بعد كدة نغيرهم

مينا : انت عندك حق ... انا اول واحد كان اسلوبى وحش ودايما بتريق على اصحابى ومش بسمع الكلام .. واديك اهه بتتكلم معايا وبتحبنى مع انى علطول بضحك عليك
بيتر : بابا يسوع هو اللى قالى كدة وانا بسمع كلام بابا يسوع
مينا : وانا كمان هسمع كلام بابا يسوع وهروح اصالح اصحابى
واخويا كمان باى باى
بيتر : مع السلامه ... اكمل انا باة اكل العنب

» مسرحيه ميلاد يوم الميلاد
» مسرحيه بدون مقابل